Agni Todhri (1894 - 1982)

by Përgatitur nga Ana Toçi

Agni Todhri (1894 - 1982) - "Mësuese e Merituar", vajza e parë elbasanase që studioi jashtë vendit

Të dhëna

Përshkrim
Agni Todhri (1894 - 1982) - "Mësuese e Merituar", vajza e parë elbasanase që studioi jashtë vendit
Autori
Përgatitur nga Ana Toçi
Kontribuesi
ADE
Jetëshkrimi
Agni Todhri
Agni Todhri njihet për vlerat e saj si mësuese, si metodiste dhe si qytetare tepër fisnike. Ajo  është e para vajzë e shkolluar jashtë shtetit nga Elbasani në fushën e pedagogjisë e psikologjisë shkollore e ndoshta e para në vendin tonë për arsim të specializuar . Është shquar gjatë tërë karrierës së saj në fushën e mësimdhënies, si metodiste e didakte, duke punuar me përkushtim shembullor për futjen e metodave të përparuara, duke i dhënë përparësi, që në ato vite, punës së pavarur e krijuese të fëmijëve.
Lindi në një familje qytetare intelektuale, me traditë shekullore në arsim, në 1 Qershor të vitit 1894. Në moshën 6 vjeçare mbetet jetime. Për rritjen e saj u kujdes gjyshja. Me interesimin e Aqif Pashë Elbasanit dhe Dom Nikoll Kaçorrit vogëlushja 6 vjeçare dërgohet në Austri, ku pasi mbaron shkollën në Graz, për pedagogji e psikologji shkollore, fillon punën si mësuese në një shkollë të Vienës, ku qëndron 2 vite.
Mbas 16 vjet qëndrimi në Austri, Agni, kthehet në atdhe duke sjellë mjeshtërinë perëndimore të mësuesisë, libra e mjete mësimore për nxënësit shqiptarë.
Në vitin 1920 me kthimin në Shqipëri, ajo emërohet drejtoreshë shkolle në Shkodër.
Në vitin 1921 punon si drejtoreshë e shkollës Femërore në Tiranë.
Në vitet 1922-1938 ishte drejtoreshë e shkollës fillore "Drita" në Elbasan.
Në vitet 1938-1944, ishte drejtoreshë e shkollës foshnjore "Emin Haxhiademi" Elbasan.
Prej vitit 1944-1951, shërbeu si mësuese në shkollën 7-vjeçare "Naim Frashëri".
Zotëronte disa gjuhë të huaja dhe si rezultat i kësaj dhuntie përkthente literaturë të huaj pedagogjike dhe me to ndërtonte punën për punë metodike me kolegët mësues. Ka botuar shumë shkrime për probleme pedagogjike në shtypin e kohës. Në historikun e arsimit elbasanas Agni Todhri  kujtohet edhe sot e kësaj dite, si një Personalitet i arsimit kombëtar.
Veprimtaria arsimore e familjes "rekordmene" Todhri fillon pikërisht me Zonjën e parë, të arsimit, me dhaskalisten e parë të Elbasanit, Agni Todhri.
Ajo i "fali" arsimit të gjashtë fëmijët e saj, Zefin, Nikolinën, Vilheminën, Vilsonin, Filloretën dhe Eleonorën, duke i dhënë kështu një kuptim të madh jetës së familjes Todhri.
Agni Todhri do të kujtohet gjithmonë si femra e parë intelektuale e kompletuar me arsim e kulturë europiane - perëndimore, mësuese e parë e shkollës shqipe, nismëtare për çeljen e shkollave dhe të kopshteve, drejtuese e talentuar e arsimit, veprimtare e talentuar, e guximshme, në jetë në luftën kundër analfabetizmit dhe injorancës për një emancipim të femrës elbasanase shqiptare.
Ajo është nderi dhe krenaria e Elbasanit. Familja Todhri është kampione dhe rekordmene e arsimit jo vetëm në Elbasan, me shtatë antarë të familjes dhe me 245 vjet punë.
Ndërroi jetë në vitin 1982.
Agni Papajani (Todhri) me 45 vjet punë, kjo "Mësuese e Popullit" e pashpallur deri më sot, meriton më shumë se kaq, emrin e saj do ta kishte dëshirë e nder t'a mbante çdo shkollës shqiptare.

Grupet e materialeve

Renditja: 731 (6 shikime)

Përgatitur nga Ana Toçi, “Agni Todhri (1894 - 1982)”, Arkiva Digjitale Shqiptare, accessed 12 gusht 2022, http://adsh.al/s/adsh/item/13797

Komentoni

Asnjë koment ende! Bëhu i pari që komenton!

Jam dakord me kushtet e përdorimit dhe pranoj të ofroj kontributin tim nën liçensën CC BY-SA.