Rustem Ymeri (1897-1972)

by Aleksandër Cangonja

Të dhëna

Titulli (Dublin Core)
Rustem Ymeri (1897-1972)
Emri (Friend of a Friend)
Rustem
Mbiemri (Friend of a Friend)
Ymeri
Atësia (Bio)
Ymer
Amësia (Bio)
Ruzhdie
Datëlindja (Schema)
1895
Datëvdekja (Schema)
1972
Jetëshkrimi (Bio)

U lind me 1897 në Dibër, është i biri i Ymer beut dhe i Ruzhdies. E gjejmë edhe me emrin Rustem Ymer Dibra. Filloi studimet e larta në Selanik, por u përjashtua nga shkolla, pa e kryer të plotë. Gjuhë të huaja: frëngjisht, italisht, serbokroatisht dhe turqisht. Filloi karrierën në detyrën e kryesekretarit të Dibrës së Madhe. Në 21 janar 1921, Rustem Ymeri ka zëvendësuar në detyrën e prefektit në Lushnjë Veli Vasiarin, por nuk e dime sa qëndroi në këtë detyrë. Ka qenë në grupin e mbështetësve të Ahmet Zogut, për riardhjen në pushtet në fundin e vitit 1924. Më 16.6.1925, i propozuar nga ministri Ceno bej Kryeziu, Rustem Ymeri nga kryesekretar i Prefekturës së Dibrës u emërua nënprefekt i Pogradecit. Në maj të vitit 1926, u emërua prefekt në Vlorë, post të cilin e mbante provizorisht toger Dulejman Çela. Në detyrën e prefektit, më 23.8.1926, i shkruan Ministrisë së Punëve të Brëndshme ku i thotë se nuk do të lejojë kryetarin e Bashkisë të festojë 3 shtatorin, ditën e fitores së Luftës së Vlorës më 1920, sepse cënohen mardhëniet midis dy shteteve Italisë dhe Shqipërisë. Më pas festimi u lejua. Me shkresë nr. 93/156, date 20.12.1926, ministri i Brendshëm Musa Juka, i ka propozuar kryesisë së Këshillit të Ministrave, emërimin e zotit Rustem Ymeri si drejtor i Policisë, “I cili asht i zoti dhe ka të gjitha cilësinat e duhuna për atë detyrë”, ndërsa Këshilli i Ministrave e dekretoi më 23 dhjetor 1926. Më 2 mars 1927 emërohet nënprefekt në Pogradec, ndërsa në tetor të 1927 kalon nënprefekt në Lushnjë. Gush 1928 deri më maj 1929 kryetar i Bashkisë Shkodër, më 3 dhjetor 1929 kryetar i Bashkisë Elbasan, kthehet përsëri në Shkodër në vitet 1931-1933 dhe më pas në Korçë deri më 1937 ku emërohet kryetar i Bashkisë Durrës. Në nëntor 1935 dekorohet nga mbreti Zog me urdhërin “Kumandar i Urdhrit të Skënderbeut”. Në vitet e okupimit fashist konsiderohet si “person me rrezikshmëri të madhe” dhe internohet 3 vjet në Itali. Mbas luftës nuk shpëtoi nga regjimi komunist ku sipas proçesverbalit nr.15 i mbledhjes së Komisionit të internimeve evidentohet se “ka zhvilluar aktivitet politik me rëndësi të dyshimtë dhe të dëmshme për regjimin” vdes në vitin 1972 në Durrës.

Referencat (Dublin Core)

1. F. 236 (Bashkia e Durrësit), V. 1937, D. 1-109.

2. Enver Memishaj – Lepenica “Prefektët e qarkut të Vlorës 1912-2012”.

3. Foto nga historian Kastriot Dervishi.

Autori (Dublin Core)
Aleksandër Cangonja
Kontribuesi (Dublin Core)
Z. Aleksandër Cangonja

Grupet e materialeve

Aleksandër Cangonja, “Rustem Ymeri (1897-1972)”, Arkiva Dixhitale Shqiptare, aksesuar më 13 qershor 2021, http://adsh.al/s/adsh/item/18734

Komentoni

Asnjë koment deri tani! Bëhu komentuesi i parë!

Jam dakord me kushtet e përdorimit dhe pranoj të ofroj kontributin tim nën liçensën CC BY-SA.

Arkivat e zonave të tjera