Ylli Xhoxhi, parashutisti i lagjes Kala
1967-07-17
Në këto foto është Ylli Xhoxhi, banor i lagjes Kala në Elbasan gjatë kohës kur ishte ushtarë në Tiranë. Ylli është i biri i rrobaqepësit Dhiogjen Xhoxhi.
Për këto foto ka një histori të veçantë, në kohën që Ylli ishte ushtarë në repartin e parashutistëve, gjatë një ushtrimi me parashutë kur ai do hidhej nga helikopteri, padashur i ngatërrohet rrypi i parashutës me pushkën dhe ai mbetet i varur jasht helikopterit. Ishte një moment i vështirë si për jetën e Yllit ashtu edhe për ekuipazhin.
Ata vendosin të presin rrypin, pa ditur se çfarë mund të ndodhte më tej. Për fat parashuta hapet, dhe këto foto janë bërë pikërisht në momentin kur njerzit në tokë prisnin në ankth se si do ishte gjendja e parashutistit.
Komentoni
Asnjë koment ende! Bëhu i pari që komenton!