Emin Haxhiademi Shijaku (1862- 1932).
- Përshkrim
- Veprimtar i arsimit dhe i shtetit shqiptar.
- Emri
- Emin
- Mbiemri
- Haxhiademi
- Data e lindjes
- 1862
- Data e vdekjes
- qershor 1932
- Autori
- Hyqmet Kotherja
- Të drejtat intelektuale
- Autori©
- Jetëshkrimi
-
Lindi në Elbasan. U arsimua në shkollën Ruzhdie të vendlindjes. Dijet e tij i thellon vetë më tej, duke studiuar e lexuar histori, filozofi e letërsi. Ishte nga nxënësit e parë të Kristoforidhit që mësimin dhe shkrimin e gjuhës shqipe e bënin fshehurazi. Gjatë pushtimit osman ka shërbyer në Elbasan si anëtar gjyqi, anëtar i Këshillit Administrativ. Në v. 1908 mbas shpalljes së Hyrjetit, zgjidhet kryetari i parë i Bashkisë së Elbasanit. Dha kontribut të rëndësishëm në ngritjen e klubeve dhe shoqërive patriotike të qytetit. Qe në këshillin drejtues të klubit “Bashkimi” dhe delegat i Elbasanit në Kongresin e Elbasanit (shih) te V. 1909. E.H. dha ndihmë të pakursyer në hapjen e shkollës së parë shqipe në Elbasan dhe të shkollës Normale , duke qenë anëtar dhe arkëtar në komisionin e saj.
Qe ndër drejtuesit e mitingut të madh që u organizua në Namazgja të Elbasanit për mbrojtjen e alfabetit shqip, si dhe qe nga firmëtarët e shpalljes së pavarësisë në qytetin e Elbasanit më 25 nëntor 1912. Me shpërthimin e kryengritjes rebele të udhëhequr nga Haxhi Qamili krahas patriotëve elbasanas burgoset edhe Emin Haxhiademi, i cili u lirua në maj të v. 1914.
Me mbarimin e Luftës së Parë Botërore, më 16.03.1919, me Aleksandër Xhuvanin, Rrapush Demetin, Ahmet Gashin, Sali Çekën edhe E.H. do të firmosë telegramin e protestës, që u shkrua si pasojë e mitingut të popullit të Elbasanit kundër pretendimeve territoriale greke e serbe ndaj trojeve shqiptare drejtuar fuqive evropiane. Kjo do të pasohet nga një tjetër miting proteste në nëntor 1921, ku kërkohet mbrojtja e kufijve të Shqipërisë së v. 1913 dhe Sazanit nga Fuqitë e Mëdha. Në zgjedhjet e Këshillit Bashkiak në gusht të v. 1924, zgjidhet anëtar i tij. Atje merr vendime të rëndësishme në dobi të komunitetit të qytetit të lindjes.
Më 1928 është anëtar i Këshillit Administrativ të Prefekturës si dhe i komisionit intelektual si organ këshillimor i kryetarit të bashkisë. Vdes në qershor 1932 në Elbasan.
- Referencat
-
Elbasani-Enciklopedi, 2003.
- Lidhje me materiale të tjera
-
Et'hem Haxhiademi (1902-1965)
Etiketa të reja
Pjesë e Emin Haxhiademi Shijaku (1862- 1932).
Renditja: 222 (120 shikime)
Hyqmet Kotherja, “Emin Haxhiademi Shijaku (1862- 1932).”, Arkiva Digjitale Shqiptare, accessed 18 shkurt 2025, http://adsh.al/s/adsh/item/25088
Komentoni
No comment yet! Be the first to add one!