Kujtim Dedej (1931-2021)

by Fatos Bajraktari

Matematicien i shquar, Prof. Dr. Shkencash matematike, autor tekstesh për matematikën.

Të dhëna

Përshkrim
Matematicien i shquar, Prof. Dr. Shkencash matematike, autor tekstesh për matematikën.
Emri
Kujtim
Mbiemri
Dedej
Data e lindjes
1931
Data e vdekjes
2021
Autori
Fatos Bajraktari
Kontribuesi
Fotoja nga Hyqmet Zane
Jetëshkrimi
Kujtim Dedej, ka lindur në Bari të Italisë më 1931. Babai i tij, ish Prokurori i Përgjithshëm i Shtetit më 1924, emigroi bashkë me  patriotët që u bashkuan me Fan Nolin. Kthehet në atdhe pas 5 vitesh.

Në vitet 1945-49 mbaroi shkollën Pedagogjike në Elbasan. Pas kësaj u caktua mësues fillorje në rrethin e Kukësit (1949-52). Për punën e tij, në revistën e kohës “ Kohë të Reja”, që botohej në rusisht dhe në shumë gjuhë perëndimore, u botua artikulli me titull:

“ Mësuesi i fshatit Kujtim Dedej”.

Artikulli është shoqëruar me një shënim të redaksisë ku thuhet  “...Kujtim Dedej është një nga luftëtarët aktivë në frontin e kulturës në Shqipëri” .

Në vitin 1952-56, mbaron fakultetin e matematikë-fizikës në Universitetin e Tiranës. Pas shkollës së lartë në Tiranë, caktohet Drejtor i Gjimnazit “Asim Zeneli”, të Gjirokastrës. Prof.dr.Agron Fico shkruan:”Kujtim Dedej, drejtor dhe mësues i matematikës, me përvojën e pasur dhe përkushtimin krijonte një mjedis pune dhe bashkëpunimi miqësor”.

Nga viti 1959 -66 pedagog në Universitetin e Tiranës, në katedrën e matematikës. Nga viti 1966-68, zv/drejtor në Institutin e Studimeve Shkollore. Pastaj në vitet 1969-1971, Shtëpia Botuese e Librit Shkollor dhe Instituti i Studimeve Pedagogjike si bashkëpuntor shkencor. Pastaj punon pranë Qendrës Matematikës Llogaritëse, Akademia e Shkencave, Bashkëpunëtor Shkencor. Në vitin 1974-1980 Mësues dhe Zv/Drejtor, Shkolla e Mesme Politeknikumi “8 Nëntori”, Tiranë. Në vitet 1985-1992 Përgjegjës i Sektorit të Matematikës në Institutin e Studimeve Pedagogjike, Shtëpinë Botuese të Librit Shkollor, në Qendrën e Matematikës Llogaritëse të Akademisë Shkencave, pastaj në shkollën pa shkëputje nga puna, dhe së fundmi si Drejtues i Grupit për modernizimin e matematikës shkollore pranë Ministrisë së Arsimit.

 Z. Kujtim Dedej është autor i leksioneve dhe teksteve të matematikës për shkollën e lartë, të didaktikës së matematikës, i monografive dhe studimeve për mësimin e matematikës në shkollë, autor i teksteve të matematikës për shkollën e mesme dhe për shkollën 9-vjeçare, punë që vazhdon edhe sot. Ka gjithë kolanën e teksteve të Matematikës të Arsimit Fillor.Z.Kujtim punoi me pasion tekstet jo vetëm për nxënësit, por edhe tekstet që ndihmojnë mësuesit në punën e tyre.Ai shkruan vetë...”Duke qënë se dhjetra vite, si: profesor, autor dhe hartues i programit të matematikës, kam qenë në kontakt të ngushtë me nxënësit, prindërit dhe mësuesit e ciklit fillor, ndjej domosdoshmëri dhënien e ndihmesës sime në fushën e matematikës, në këtë çast ndryshimesh në shkollën tonë “. Është i vetmi në llojin e tij që ka shkruar tekste mësimore, nga klasa e I-rë fillore, deri tekste të matematikës për shkollën e lartë. Pedagogu Pëllumb Kllogjeri i UE, në studimin e tij:

“The Albanian Mathematicians by the Floëside of the Mathematicians of the Ëorld”, shkruan:”.....Profesor Kujtim Dedej ka punuar për shumë dekada në Universitetin e Tiranës, Departamenti i Matematikës, një nga metodistët më të mirë të matematikës në Shqipëri, specialist i matematikës në Institutin e Studimeve Pedagogjike në Shqipëri për shumë vite. Ai është autor i disa teksteve matematikore për shkollën fillore dhe ciklin e lartë të shkollës 9-vjeçare në Shqipëri dhe të shkollës së lartë.......”.

 Për vlerat dhe kontributin e tij flasin motivimet e dekorimeve nga autoritetet më të larta të shtetit.

 Më 1987, Kujtim Dedej është dekoruar me Urdhërin Naim Frashëri Kl.I me motivacion :”Për arritje të larta në fushën e studimeve pedagogjike, sidomos në hartimin e botimin e programeve edhe të teksteve eksperimentalë për matematikën shkollore, për përpunimin e materialeve shkencore e metodike për ngritjen ideoshkencore dhe profesionale të mësuesve të matematikës”

 Më 1994, i jepet Titulli i lartë  “Mësues i Popullit”, me këte motivacion:

“Për kontributin e shquar që ka dhënë në modernizimin e lëndës së matematikës në të gjitha ciklet e shkollës sonë”

 Kujtim Dedej ka gradën shkencore Doktor Shkencash dhe titullin shkencor Profesor.

Figura dhe personalitete të tilla, nuk nderojnë vetëm këta, ato janë nji vlerë e patjetësuar e vendit, por dhe origjinës së tij, Elbasani.

Grupet e materialeve

Renditja: 1043 (2 shikime)

Fatos Bajraktari, “Kujtim Dedej (1931-2021)”, Arkiva Digjitale Shqiptare, accessed 6 korrik 2022, http://adsh.al/s/adsh/item/25359

Komentoni

Asnjë koment ende! Bëhu i pari që komenton!

Jam dakord me kushtet e përdorimit dhe pranoj të ofroj kontributin tim nën liçensën CC BY-SA.