Mehmet Daiu - Mësues i merituar

by Sami Domni

Njëri nga arsimtarët e talentuar elbasanas që nuk pranoi ofertën për të punuar në universitetin ku përfundoi me rezultate të shkëlqyera sudimet e larta, në Zvicër për të vuajtur më pas në burgjet e komunizmit.

Të dhëna

Përshkrim
Njëri nga arsimtarët e talentuar elbasanas që nuk pranoi ofertën për të punuar në universitetin ku përfundoi me rezultate të shkëlqyera sudimet e larta, në Zvicër për të vuajtur më pas në burgjet e komunizmit.
Emri
Mehmet
Mbiemri
Daiu
Data e lindjes
1913
Autori
Sami Domni
Kontribuesi
Z. Sami Domni
Jetëshkrimi

Lindi në Elbasan në vitin 1913. Shkollën fillore dhe Normalen i mbaroi në vendlindje. Studimet e larta i përfundoi në Institutin Zan Zhak Ruso, me rezultate shumë të mira. Iu afrua emërim në Zvicër, por kthehet në Shqipëri.

Karrierën për mësues e pedagog e filloi në shkollën Normale dhe Ushtrimore të Elbasanit, ndërsa më pas emërohet inspektor i arsimit në Prefekturën e Korçës dhe mësues në gjimnazet e njohura të Tiranës, Shkodrës. Si atdhetar e nacionalist, dënohet nga diktatura komuniste për një periudhë të gjatë kohe me një akt akuze të sajuar, në kohën që ishte mësues në Shkodër. Një pjesë të dënimit e kalon në kënetën e Maliqit në kushte shumë të rënda.

Pas kryerjes së dënimit, shërben si mësues në zonën e Shmilit dhe më pas në Durrës.

Si njohës i mirë i disa gjuhëve të huaja, ka dhënë ndihmesën e tij në sistemimin e fondit albanologjik – ballkanologjik të bibliotekës publike “Qemal Baholli” të Elbasanit, si edhe në Qendrën e përkthimeve tekniko-shkencore të qytetit të Durrësit. Në rrethet intelektuale të Durrësit ruhet në kujtesë si mësues i talentuar i gjermanishtes, frëngjishtes, anglishtes dhe italishtes. Si intelektual me erudicion, i pasionuar pas pedagogjisë perëndimore, botoi në revistat e kohës, si: “Shkolla shqiptare”, “Shkolla Kombëtare”, mbas vitit 1930 botoi studimet: “Eksperimenti në psikologji”, “Ç’është personaliteti”, “Për metodikën e matematikës”, “Format e zhvillimit të dijes”; si dhe disa përkthime nga fusha e psikologjisë: “Besimet dhe halucinacionet”, “Jeta shpirtërore e pavetëdijshme”.  

Referencat

Sami Domni, “Mirënjohje për mësuesit e nderuar të qytetit tim”, Arkiva Digjitale Shqiptare, aksesuar më 22 shkurt 2022, https://adsh.al/s/adsh/item/9612

Grupet e materialeve

Renditja: 99 (13 shikime)

Sami Domni, “Mehmet Daiu - Mësues i merituar”, Arkiva Digjitale Shqiptare, accessed 6 korrik 2022, http://adsh.al/s/adsh/item/25487

Komentoni

Asnjë koment ende! Bëhu i pari që komenton!

Jam dakord me kushtet e përdorimit dhe pranoj të ofroj kontributin tim nën liçensën CC BY-SA.