Haxhi dhe Ramazan Zaza - Durrës
A doni të shtroni një bina, shtëpi a dyqan me pllaka artifiçjale ? Do ti gjeni te Industria Kombtare Haxhi Zaza – Durrës.
Prodhon pllaka prej çimenti gjithë farësh, forma e ngjyra nga më të bukurat.
Përkrahni industrin e vëndit
Kështu do e paraqisnin reklamën e biznesit të pllakave në Durrës tek gazetat, revistat e ndryshme në kohën e monarkisë Shqiptare 1928-1939. Dukej qartë që industria vendase kishte hyrë në shinat e duhura në atë periudhë duke pasur parasysh mundësinë e tregtisë në një qytet si Durrësi i cili ishte gjithmonë në zhvillim e sipër. Kjo reklamë i përket vitit 1933 e cila ishte pronë e familjes Zaza në Durrës, dhe konkretisht vëllezërve Haxhi dhe Ramazan Zaza të cilët zotëronin një punishte ku prodhonin pllaka me dimensione të ndryshme dhe zbukurime me lule të cilat për kohën ishin tërheqëse.
Vëllezërit Zaza
Nga martesa e Mustafa Zazës dhe Hasbije Rexhës do vinin në jetë vëllëzërit Ramazan dhe Haxhi Zaza, i pari i ditëlindjes 4 qershor 1903 ndërsa i dyti më 1 dhjetor 1908. Të dy vëllezërit do angazhoheshin në një biznes privat, ate të prodhimit të pllakave. Duke pasur parasysh se dhe ndërtimtaria mori hov të madh në Durrës, në vitet 1930-1940 nuk kishte vilë, shtëpi apo dyqan mos të ishte e shtruar me pllakën me lule e prodhuar nga duart e mjeshtrave Ramazan dhe Haxhi Zaza.
Më poshtë reklama e punishtes, dhe foto e Ramazan Zazës (i pari majtas) në punishten e pllakave sëbashku me puntorët.
Komentoni
Asnjë koment ende! Bëhu i pari që komenton!