for Dokumente nga Durrësi

  • Industri Shqiptare/Sipërmarrësi i mirënjohur në fushën e ndërtimtarisë Usta Rexhep Çetaku viti 1934

  • Çertifkatë për vërtetim page

    1937-12-03

    Dokument i Bashkisë Durrës në kohën e Mbretërisë Shqiptare, ku jepen pagat e kryetarëve të Bashkisë në franga ari si tregues i funksionimit të shtetit ligjor të kohës, 12. 03. 1937

  • Skicë ushtarake e hartuar ushtria osmane për objektet ushtarake-civile në qytetin e Durrësit, fundshekulli i 19 (Botuar tek Osmanlı Kaleleri, 2016)

    1- Kalaja e Durrësit 2- Bastion 3- Bastion 4- Bastioni veneciane 5- Bastioni Portës së Sipërme 6- Porta e bregut 7- Kaushi 8- Kryebastioni 9- Kuzhina 10- Limani 11- Ura (ura e dajlanit) 12- Liqeni 13- Rruga drejt Kavajës 14- Lagja komunitetit egjiptian 15- Kulla sahatit 16- Tregu 17- Çeshmeja (objekt i cili shërbente si çezmë publike me ujë të pijshëm) 18- Reparti 19- Porta e madhe 20- Porta 21- Bastion 22- Gjiri venecian 23- Kalaja e brendshme 24- Depoja e municioneve 25- Kodra ullishtave 26- Saraji vjetër 27- Bastioni Portës së Sipërme 28- Reparti topçinjve 29- Hendek 30- Kopshte 31- Arë 32- Vaditi (Ara nën ujë) 33- Masa e përdorur për hartën 80 zira osmanë

  • Biografit e veteranvet të Durrësit

    1937-09-06

    Emrat e qytetarëve të zonës së Durrësit propozuar nga prefektura për tu dekoruar me rastin e 25 vjetorit të Pavarësisë. 1937. Transkriptmi i këtij dokumenti është vedosur në formën e të dhënave biografike në ADE.

  • Demostrata e 12 Prillit 1942 Durrës

  • Kulla e Sahatit të Durrësit, një element i harruar !

    2021-07-24

    Nëse do vizitojmë Tiranën, Kavajën, Elbasanin etj do vërejmë diçka të përbashkët midis tyre, që në sheshet qëndrore të këtyre qyteteve do të shohim kulla të ndërtuara në periudhën Osmane të cilët shërbenin si kulla sahati, të gjitha këto janë të ndërtuara në shekullin XIX. Por një gjë të tillë nuk e shohim në Durrës, pse ?

  • Rezistenca antifashiste në Durrës më 7 Prill 1939 !

  • Përshkrimi i "Revistës JAVA" për plazhin e Durrësit 1938 !

    1938-06-27

    Meqë jemi në stinën e verës, dhe plazhi është një mënyre e mirë për ti kaluar temperaturat e larta, po publikoj një artikull të vitit 1938 të revistës “Java” e cila botohej në Tiranë. Në botimin e ditës së hënë datë 27 Qershor 1938 në seksionin e lajmeve do përshkruante lajme nga plazhi i Durrësit. Kjo ishte periudha kur plazhi i Durrësit kishte filluar të merrte jetë duke u urbanizuar në mënyrë korrekte, gjithashtu shkruhet për fillesën shërbimeve nga bashkia e qyteti dhe operatorët privatë duke e bërë kështu “banjën e Durrësit” të shfrytëzueshme për turistët e huaj dhe vendas. LAJME nga PLAZHA Plazha e Durrsit sivjet është m’e këndëshme. Ka një zhvillim dhe përparim të dukëshëm. Dhomat dhe kafe-restauranti, të përmirësuar mjaftë dhe shkëlqejnë. Po edhe plazha shkëlqen nga pastërtia. Bashkia e Durrësit, tregon një kujdes të admiruarshëm për këtë gjë. Bashkia ka bërë edhe një motoskafë, e cila siguron komunikacjonin Plazhë Durrës. Dhe sa e bukur është ! Një kukllëz me gjithë kuptimin e fjalë duket. Sidomos natën kur ndez edhe dritat. Përveç motoskafës, Bashkia e Durrsit, ka blerë edhe një autobuz për nevojat e komunikasjonit Durrës-Plazhë. Po Bashkia u interesua që t’u sigurohet banorëve të Plazhës çdo lehtësi. Një tregëtarë gjanash ushqimi krejtësisht e kompletuar, një furr, tregëtarë pemësh dhe barishtësh, Kinema, orqestë etj. Familjet po filluan të vijnë në Plazhë, natyrisht ato e kanë “vaktin”. Por edhe vizitorët tiranas dhe durrsakë kanë filluar. Nga Durrësi lajmërohet se për së shpejtë do të lëshohet një … barkë, nga kantjerët “Kalabota” t’atij, qyteti. Armator i kësaj është një ish gazetar dhe tashti… shahist me famë. Barka do të jetë jashtëzakonisht e madhe – do të mund të nxëjë 5 veta veç barkaxhiut – dhe do të jetë në dispozicjon të kujdo që do të paguajë një frang në orë. Në rranishtë sivjet nuk ka të hedhura kuta sardelash dhe as në det gozhda. Kështu është frikë që Banjat Popullore të … humbasin origjiualitetin e tyre. Që të gjithë pyesin në se do të qërohet plazha edhe nga disa ferra dhe gjëmba që ka dhe presin me interesim një përgjegje nga zoti Rustem Ymeri. Në Plazhë sivjet ka edhe “pensjon”, por ky nuk është për llauzin për arësye të çmimëve. Vetëm një gjë nuk ka tash për tash në Plazhë: subjekte për të mbushur këtë shtyllë !.

  • Ismet Kryeziu (1888-1952)

    Prefekti i Durrësit, shqiptari i Kosovës, gjakovari Ismet Kryeziu.

  • Fillimet e shërbimeve private turistike në plazhin e Durrësit.

    2021-07-10

    Nga fundi i viteve '30 plazhi i Durrësit apo "Banjat Popullore" kishin filluar të merrin formë të mirëfilltë. Përveç investimeve të bashkisë së qytetit në infrastrukturë dhe urbanizimin e plazhit, po ashtu dhe ndërtimi i vilave private në plazhin e Durrësit kishte filluar dhe shërbimi turistik privat. Në një nga reklamat që shfaqeshin së shumti në faqet e revistave të kohës, i bëhej jehonë një prej subjekteve private që kishte investuar në plazhin e Durrësit ! "Jeta sivjet në Banjat Popullore në PLAZHËN e DURRSIT do të jetë shumë m'e mirë dhe shumë m'e këndëshme nga vjetet e tjera. Sotir Dushi & Shoq., Koncensjonarët e banjove, kan harxhuar pa hesap për t'u siguruar banorëve dhe vizitorëve të Plazhës, çdo komoditet, çdo kënaqësi, çdo dëfrim. Pastërti shëmbëllore. Shërbimi më i mirë. Pije më të zgjedhura. Kuzhinë më e organizuar. Për çdo minutë komunikasjon me Durrësin vetëm me një lekë vajtje-ardhje. Çmimet? Më të lira se nga çdo qendër të çdo qyteti.

  • "Pleqësia e Shqipërisë së Mesme"

    2021-07-10

    Më 12 Tetor 1913 formohet “Governa e Durrësit” të cilën historiografia jonë e njeh me emrin “Pleqësia e Shqipërisë së Mesme “, në krye të së cilës vendoset Esat Pashë Toptani. Ajo u krijua si pasojë e mosmarrëveshjeve politike të Qeverisë së Përkohshme të Vlorës me disa nga figurat kryesore politike të vendit. “Governa e Durrësit” kishte aparatin e saj shtetëror dhe vulën e saj zyrtare !

  • Kur avokat Perikli Goga emërohej delegat në Asamblenë Konstitucionale . 1928

    1928-07-14

    Ishte periudha e zgjedhjeve në Shqipëri, e cila nga votat e popullit do dilnin zgjedhësit e dytë dhe më pas prej atyre do dilnin deputetët të cilët do votonin në Asamblenë Konstitucionale ndryshimin e regjimit në Shqipëri, nga Republikë në Monarki. Nga dokumenti që gjendet në A.q.sh do shohim një shkresë të Prokurorisë Tiranë të dërguar Prefektit të Tiranës z. Izet Dibra i cili vihet në dijeni se avokati i njohur nga Durrësi z. Perikli Goga do të zëvëndësonte z. Tahir Qarri si delegat i zgjedhjeve të vitit 1928 për zonën e Vorës. Prokurori i Tiranes Nr: 1334/28 P. T. Prefekturës Këtu Si mbas urdhenit të P.T. Ministris së Drejtësis Nr: 1276/51. D 14-VII-28. Ju njoftohet se, në vend të Z. Tahir Qarrit i cili kje emnue delegate për zgjedhjet e Asambles Konstitucionale në krahinë Vorë, u delegua Advokat Z. Perikli Goga. Pra, lutemi të permendimit t’i nji paradhënje prej 200 (dyqin) fr.ari për m’u nisë qi sod në detyrën e ngarkueme. Tiranë, me 14/VII/28. Prokurori Mas ti shkruhet Pref. Kryeqytetit për kompetencë i aprovohet P. Financavet 14/VII/28 Prefekti 14/VII/28 Izet Dibra

  • Pyllëzimi i Kodër-Vilës në kohën Mbretit Zog !

    1937-12-07

    Pyllëzimi i Kodër-Vilës në kohën Mbretit Zog Periudha e drejtimit të shtetit nën Ahmet Zogun, njihet ndryshe si periudha e hedhjes së themeleve të shtetit Shqiptar. Reformat shtetformuese të cilat nisën në atë peridhë ishin dhe një tregues i largpamësisë së administratës të atyre viteve. Në arkivin e shtetit gjendet një shkresë e kryetarit të bashkisë Durrës Rustemi Ymeri e vitit 1937, drejtuar Zyrës së Bujqësisë ku i kërkon kësaj të fundit mënyrën sesi do mbidhen fidanët për pyllëzimin e Kodër Vilës në Durrës. Vlen të theksohet se kjo zonë nëpërmjet pyllëzimit të saj eliminoi erozionin e dherave duke e bërë tokën më të qëndrueshme, por edhe duke i dhënë asaj dhe një pamje shumë të bukur dhe qetësuese për syrin e banorëve të qytetit.

  • Si organizohej në vitin 1939 fillimi i muajit të Madhnueshëm të Ramazanit në Durrës !

    1939-10-12

    Meqë jemi në muajin e madhnueshëm të Ramazanit nga kërkimet që kam bërë në A.Q.Sh vura re diçka interesante ku në një dokument tregohej se Myftinija Durrës e drejtuar nga Ismail Ndroqi me rastin organizmit të bërë për fillimin e muajit të shenjtë të besimtarëve Muslimanë, vente në dijeni prefekturën e Durrësit se për lajmërimin e çeljes së iftarit do të plasnin një bombë artificiale e cila ishte një zakon i vjetër që bëhej në të gjithë vendin paçka se sot nuk ekziston si ceremoni. Komuniteti Mysliman Myftinija e Durrsit Nr.135/2 Durrës 12/X/1939 Prefekturës Ketu Kemi nderin me i njoftue asaje P.T.Prefekture se me rastin e fillimit te Muejt Ramazanit me daten 14/X/1939, per lajmerimin e yftarit aty nga ora 17 do te zbrazim nga nji bombe artifiçjale. Me nderime Myfti. Transkriptimi nga Aleksandër Cangonja.

  • Kërkesë e popullit të Durrësit për vendosjen e monarkisë, 1928

    1928

    Kryesis së Asambles Konstituente. Tiranë. Populli i, Durrësit I mbledhm sod per para Bashkies Ketushme I lutet asambles Konstituante qi, tue marr para sysh te metat e regjimit Republikan qi nuk I pershtate as pak traditavet spikollogjike te popullit Shqiptar dhe interesavet te nalta te Shtetit pret me pa durim shpallijen e ndryshimit te regjimit te sodeshme ne formë Monarkike tue I ofrue fronin e naltë Mbretnor te Shqipnies Shkëlqesus së Tij Shpitimtarit të Atdheut A.Zogut si shënjë mirënjoftieje per veprat madheshtore dhe sherbimevet te pa ç’mushme q’I ka ba Atdheut t’on te dashtun. _______ Transkriptimi nga Aleksandër Cangonja.

Arkivat e zonave të tjera