Dr. Pierluiggi Zamperin shërbeu si mjek në spitalin fushor ushtarak të ndërtuar në Krastë të Elbasanit si dhe në atë të Librazhdit, gjatë luftës së dytë botërore. Gjatë kësaj periudhe duke ushtruar edhe pasionin e tij për fotografinë, fiksoi në objektiv edhe shumë pamje nga vende përgjatë rrugëtimit të tij duke na bërë kështu një dhuratë të mrekullueshme historike.
Historiani amerikan Edvin Xhejks (1908-1996) ishte misionar baptist i cili punoi si mësues në Korçë në vitet 1932-1940, ku filloi të grumbullonte materiale për historinë e Shqipërisë.
Ka shkruar disa punime per historinë e Shqipërisë
Kur ishte në Shqipëri, Xhejksi mblidhte pa pushim kartolina të vendit. Pas vdekjes së tij, kartolinat përfunduan në arkivin e tij personal në Seminarin Baptist Konservator të Denverit (Denver Conservative Baptist Seminary). Koleksioni i kartolinave u gjet dhe u vendos në dispozicion të publikut nga David Hosaflook, drejtori i Institutit për Studime Shqiptare dhe Protestante.
Referuar faqes : Albanian Photography
Fotografi nga Lufta e Parë Botërore të realizuara nga ushtria Austrohungareze gjatë kohës që u vendos në Elbasan. Ky koleksion u gjet online nga Z. Fatos Bajraktari dhe fotot me rezolucion te larte u blenë në Arkivin Austriak nga shoqata ADE për të realizuar më pas ekspozitën në përvjetorin e Luftës e Parë Botërore në qytetin e Elbasanit.
Foto e rrallë e Gurit të Kamjes e cila gjendet në librin "Revue de géographie" të gjeografëve francezë Charles Velain, Louis Gentil dhe Paul Girardin. Libri është një studim i mirëfilltë historiko-gjeografik i publikuar në Paris në vitin 1922 dhe që përqendrohet kryesisht në veçoritë fiziko-gjeografike të zonave të administruara nga francezët në vitet 1916-1920. Autorët në shumë raste u janë referuar studimeve të albanologovë të njohur si Antonio Baldacci, Ami Boue apo edhe atij që njihet si babai i albanologjisë, Johannes Georg von Hahn.
Një pikturë mjaft e rrallë nga piktori ushtarak gjerman Theodor Rocholl (1854-1933). Kjo vepër mban mbishkrimin "Pogradez" (Pogradec) dhë është realizuar në datën 25 prill 1914 gjatë kohës që Theodor Rocholl ishte me mision në Shqipëri. Në të paraqitet pamja e një luftëtari shqiptar, dy varka të vjetra (gjemi) si dhe peizazhi i liqenit. Piktura i eshtë shitur një koleksionisti nga Shtëpia e Ankandeve Pluckbaum në Bon të Gjermanisë në vitin 2010.
Kjo skicë titullohet "Pogradec- A Corner in the Bazar" dhe është bërë nga një cift anglez Jan dhe Cora Gordon, të cilët udhëtuan ne Shqiperi në vitin 1925. Pas udhëtimit ata botuan edhe një liber me skica të titulluar “Dy bredharake në Shqiperi" i cili përmbante vizatime vendesh, portrete njerëzish, shënime etj.
