Ali Abdihoxha (1923 - 2014) · Arkiva Digjitale Shqiptare

Përshkrim

Ali Abdihoxha - shkrimtari elbasanas (1923 - 2014)

Autori

Mblodhi dhe përgatiti : Ana Toçi

Kontribuesi

ADE

Jetëshkrimi

Ali Abdihoxha indi në Elbasan, më 1923. Ai është një nga shkrimtarët e mirënjohur elbasanas.
Mori pjesë në luftën antifashiste dhe pas çlirimit të vendit vijon studimet e larta në Institutin e Letërsisë Botërore “Maksim Gorki”në Moskë.
Ka qenë i angazhuar në zhvillimin e kulturës dhe arsimit kombëtar në detyrën e zv/ Ministrit të arsimit.
Për një periudhë kohore ai kreu edhe detyrën e Drejtorit të Shtëpisë Botuese “Naim Frashëri”.
Lexuesit e shumë brezave në vendin tonë e njohin atë nëpërmjet mjaft tregimeve me përmbajtje jetësore, në të cilat spikat fryma patriotike e atdhetare.
Falë talentit dhe punës së tij , Ali Abdihoxha do të bëhej një ndër prozatorët më të njohur të letërsisë së kohës, në veprat e të cilit, u ngrihet përmendore djemve dhe vajzave që luftuan gjatë Luftës së Dytë Botërore.
Vitet e fundit, shkrimtari Ali Abdihoxha u tërhoq nga jeta letrare, duke refuzuar madje edhe kërkesat e shumta për intervista mbi kulturën dhe letërsinë.
Ndërroi jetë në Tiranë, më 15 shtator 2014.
Vepra letrare e Ali Abdihoxhës e ka skalitur emrin e tij në panteonin e pavdekshëm të kulturës kombëtare.
Botime të Ali Abdihoxhës:
"Një vjeshtë me stuhi", 1959 - roman, ribotuar disa herë.
“Ëndra dhe dritë”, 1963 - tregime, botuar disa herë.
“Tri ngjyra të kohës”, 1970 - roman.
"Probleme të zhvillimit të letërsisë sonë", 1970 - studime dhe mendime kritike.
“Dueli i madh”, 1975 - roman, botuar disa herë,
"Mirazh", - 1978 - tregime dhe novela.
“Vila në periferi”, 1982 - roman.
"Vepra letrare në disa vëllime", 1983.
"Kronika e një nate", 1984 - roman.
"Sfida", 1987 - roman.
"Sarajet", 1997 - roman.
"Çmimi i një aventure", 2006 - roman.

Arkiva Digjitale Shqiptare

Ali Abdihoxha (1923 - 2014)

Etiketat

Etiketa të reja

Komentoni