Musa Tafa

Përshkrim: Musa Tafa - "Mësues i Merituar"
Autori: ADE
Kontribuesi: ADE
Jetëshkrimi: Musa Tafa njihet në opinionin elbasanas si Mësues i Merituar, Mësues i talentuar i Ushtrimores, Metodist, Didakt
Ai është një ndër veteranët e shkollës Ushtrimore, i cili 38 vjet të jetës së tij i ka vënë në shërbim të arsimit. Pas mbarimit të shkollës Plotore, do të përfundojë shkollën Normale në vitin 1930. Po atë vit do të fillojë detyrën e mësuesit në rrethin e Lushnjës, ku shërbeu për tetë vjet. Në jetën praktike, në zemër të Myzeqesë, ai e kuptoi se misioni i tij do të kërkonte punë të palodhur, njohje të mirë të psikologjisë së nxënësve me të cilët do të punonte dhe prindërve të tyre me të cilët do t’i duhej të komunikonte.
Musa Tafa punoi me të gjitha aftësitë e tij dhe krijoi një emër të mirë falë ndershmërisë dhe pasionit për punë. Më pas transferohet në Elbasan për një vit, duke shkuar më pas në zonën e Belshit.
Pas çlirimit të vendit emërohet në shkollën Ushtrimore pranë Normales, më vonë shkon drejtor didaktik i rrethit të Librazhdit dhe për disa kohë punon si inspektor në Seksionin e arsimit në Qarkun e Elbasanit. Terreni ku Musa Tafa tregoi dhe eksperimentoi aftësitë e tij metodike ka qenë shkolla Ushtrimore e Normales, ku punoi për 8 vjet me radhë.
Për merita pune u emërua mësues i pedagogjisë praktike pranë shkollës Normale, detyrë të cilën e kreu me sukses deri me daljen e tij në pension. Për aftësitë e tij metodike dhe për drejtim të mirë të punës praktike, ka marrë vlerësime të ndryshme nga autoritetet e arsimit me Urdhra e Medalje.
Në bashkëpunim me kolegët, ka përshtatur materialin “Përmbledhje lënde për hartime”. Bashkëautor i tekstit mësimor të “Këndimit” të klasës III fillore. Megjithëse ishte në pension, mësuesi veteran nuk iu shkëput shkollës, por në ndihmë të mësuesve më të rinj u qëndroi pranë. Bën vëzhgime dhe studime rreth orëve të mësimit; ndjek probleme të ndryshme metodike e didaktike.
Ish - drejtori i nderuar Vasil Kamami ka shkruar “Musa Tafa është një shembull i mirë për t’u pasur parasysh nga mësuesit e rinj dhe nga mësuesit e ardhshëm. Pasioni i tij, dashuria e tij për profesionin e nderuar të edukatorit të brezave të rinj janë për t’u admiruar.”
Është detyrim moral, njerëzor, qytetar për t’i kujtuar e mos i lëmë në harresë, aq më tepër që Elbasani ka nxjerrë shumë figura të nderuara të arsimit.

Etiketa të reja

< >

Part of Musa Tafa

Renditja: 1083 (84 shikime)

ADE, “Musa Tafa”, Arkiva Digjitale Shqiptare, accessed 13 qershor 2026, https://adsh.al/s/adsh/item/14021

Komentoni

No comment yet! Be the first to add one!

Name

Website

Comment

To prove you are not a robot, answer this question: How much is 0 plus 2?

Kushtet e shërbimit

Jam dakord me kushtet e përdorimit dhe pranoj të ofroj kontributin tim nën liçensën CC BY-SA.