Reshit Koburja - jetëshkrim
Invalid data for media #14072.
- Përshkrim
- Dr. Reshit Koburja - jetëshkrim
- Autori
- Hyqmet Zane
- Kontribuesi
- Z. Hyqmet Zane
- Jetëshkrimi
-
Reshit Koburja ka lindur më 1936 në Elbasan.
Pasi mbaroi shkollën e mesme pedagogjike, Normale, në vitin 1955 vazhdoi studimet e larta në UT dega gjuhë–letërsi ruse. U diplomua në vitin 1959. Pas mabrimit të universitetit, shërben si mësues në gjimnazin e Himarës, vetëm një vit shkollor 1959 -1960. Nga viti 1960 -1972, punoi e jetoi në Gramsh duke kryer disa detyra.Fillimisht ka qenë zv/drejtor e mësues në gjimnaz në vitet 1960 – ’63 dhe në vitet 1963–1966 ka qenë edhe drejtor i këtij gjimnazi, më pas ka shërbyer edhe si Inspektor i Seksionit të Arsimit në vitet 1967–’68 dhe më pas edhe si shef arsimi (Drejtor i Drejtorisë Arsimore) në vitet 1969–1972.Duhet thënë se nga viti 1972 ka shërbyer në rrethin e Elbasanit, si Drejtor i Kabinetit Pedagogjik në vitet 1973–’75 dhe Kryeinspektor i Seksionit të Arsimit në vitet 1975 – ’77.Në vitet e mëpasme Reshit Koburja ka shërbyer edhe si mësues i gjuhës dhe letërsisë shqipe në shkollën e mesme pa shkëputje nga puna në vitet 1978 – 1981 dhe më pas kalon si metodist në Kabinetin Pedagogjik për lëndët e gjuhës dhe letërsisë shqipe dhe gjuhët e huaja në vitet 1981 – 1990.Në vitet e demokracisë Reshiti ka qenë i pari shef arsimi (Drejtor i Drejtorisë Arsimore) në rrethin e Elbasanit në vitet 1990 – 1992 dhe më pas edhe mësues në shkollën pedagogjike për lëndët pedagogji e psikologji në vitet 1992 -1994.Ka një eksperiencë të mirë edhe si drejtor i shkollave private “Arianiti”, “Inkus” dhe “Iliria”.Nga viti 1973 deri në vitin 1983 ka qenë pedagog i jashtëm në Institutin e Lartë Pedagogjik në Elbasan, sot Universiteti “A. Xhuvani”. Ka dhënë lëndën e pedagogjisë dhe të psikologjisë.Në vitin 1987 fitoi gradën Doktor i Shkencave në fushën e mësimdhënies, të didaktikës.Ka qenë personalitet, sidomos në fushën e mësimdhënies dhe të drejtimit të shkollës, i njohur në nivel rrethi dhe kombëtar. U dallua si organizator i veprimtarisë teorike dhe praktike shkollore. Ka marrë pjesë në seminare e konferenca pedagogjike lokale e kombëtare, duke qenë aktiv me referime e diskutime.Ka bërë shumë studime të botuara në gazetën “Mësuesi”, në Revistën Pedagogjike dhe në librat “Normalja në traditë”, “Nga panteoni në panteon”, “Normalja në fokus të bashkëkohësisë”. Në vitin 1995 botoi librin “Normalisti”.Në veprën “Elbasani–Enciklopedi” ishte anëtar i redaksisë, ku ka shkruar shumë zëra dhe ka redaktuar një pjesë të librit.
Etiketa të reja
Part of Reshit Koburja - jetëshkrim
Renditja: 219 (267 shikime)
Hyqmet Zane, “Reshit Koburja - jetëshkrim”, Arkiva Digjitale Shqiptare, accessed 22 qershor 2026, https://adsh.al/s/adsh/item/14071
Komentoni
No comment yet! Be the first to add one!