Suzana dhe Eser Qatipi
Invalid data for media #14128.
- Përshkrim
- Motrat artiste, Suzana dhe Eser Qatipi
- Autori
- ADE
- Kontribuesi
- Z. Dhimitër Topuzi
- Jetëshkrimi
-
Viti 1971 në Elbasan zhvillohet Festivali i parë i këngës për muzikën e lehtë. Në mbrëmjen finale të këtij fëstivali juria shpall fituese këngën për heroin “Qemal Stafa” të kompozuar nga mjeshtri i njohur elbasanas dhe “Artisti i Merituar”, Alfons Balliçi. Duartrokitje dhe ovacione të mëdha në sallën e kinema “11 Nëntori”. Spikeri i festivalit ngre zërin dhe thotë: Ftojmë përpara jush këngëtaren Suzana Qatipi për të interpretuar këngën fituese. Përpara spektatorit shfaqet plot nur, ngazëlluese dhe elegante ajo vajzë që i dha jetë dhe emocion kësaj kënge. Një heshtje prej 3-4 sekontash, dirigjenti jep atakun, fillon kënga, një zë kumbues dhe melidioz shpërthen në skenë. Suksesi i merituar i Zanës, siç thërritet shkurt nga të gjithë. Mjeshtri Alfons Balliçi përqafon plot dashuri këngëtaren. Ishte plot 15 vjeç, ishte suksesi i parë, por që nuk e ndaloi për 20 vjet rrjesht.
Në vitin 1980 mbaron Institutin e Lartë të Arteve në degën e dramës. Kështu Zana në Estradë u aktivizua edhe si aktore, por ajo i mbeti besnike asaj që e bëri të njohur këngës. Kishte në repertorin e saj me dhjetëra këngë të muzikës së lehtë. Një pjesë të repertorit të saj e zinte dhe kënga popullore elbasanase, por edhe e trevave të tjera. U bë simbol i estradës sonë në zhanrin e muzikës së lehtë. Pjesmarrëse në festivale të këngës në Radio-Televizion, pjesmarrëse në anketat muzikore që zhvillohet në Radio Tirana. Në çdo skenë, qoftë në atë të qytetit tonë, apo në skenat e Tiranës, Shkodrës, Fierit, Beratit, Durrësit, por edhe në skenat fushore të fshatrave ku Estrada jonë jepte shfaqje dhe koncerte, ajo la mbresa të pashlyeshme. Edhe në skenat jashtë atdheut ajo të njejtin sukses pati si dhe në skenën e teatrit “Skampa” duke kënduar këngë të huaja, ku më e vështira ishte para një delegacioni Kines me këngën e lumit Jance. Ajo nuk u dallua nëse ishte interpretim nga këngëtare Shqiptare apo kineze.
Pak kohë pas Zanës në Estradë afrohet e motra, Eseri, edhe kjo me zë të bukur, kënduan edhe duete bashkë si motra, por kontributin e saj dhe suksesin e arriti si aktore. E fillon si koferenciere, parodiste, në role vajzash çapkëne deri ne kryerolin e saj “Arixheshkën” në skeçin “Zgjedhjet” ku me “Arixhiun” Ilmi Belshaku krijuan një dyshe brilante. Si detaj ajo mbante njw dajre në dorë dhe me të folurwn arixhishte korri duartrokitje të papara. Spektatori rom që vinte në sallat jashtë Elbasanit, si Tiranë, Shkodër apo Durrës e mendonte se Seri dhe Ilmiu ishin me të vërtetë, e thonin: “Po këto qenkan tanët, arixhinj”. Kjo tregonte se Eseri kishte hyrë plotësisht në lëkurën e personazhit. Nga suksesi i këtij roli thirret nga Radio Televizioni Shqiptar të drejtojë koncertin e Natës së Vitit të Ri në vitin 1982. Eseri ishte një tip mjaft e shkathët, gazmore me mjaft humor edhe në jetë. Ishte një aktore mjaft e talentuar. Pikërisht në kohën kur ishte pjekur si aktore, kur kishte 12 vjet, duke filluar nga viti 1977 që debutante në skenë, largohet nga Estrada për arsye subjektive. Edhe sot kur takohemi në rrugë Eseri është po ajo që ka qenë 20 vjet më parë , e sjellshme e respektueshme e plot humor. Me të vërtetë një familje artistësh. Edhe vëllai i tyre Agroni, ka qenë një aktor amator mjaft i spikatur me temperament dhe humor. Në këtë shkrim nuk mund të le pa përmendur, babain e tyre Xhevdetin, Xhodën siç e thërrisnim në teatër, apo “Lala” siç e thërriste familja. Xhevdet Qatipi ishtenjë artist i vërtetë, por në fushën e zërit dhe ndriçimit. Punoi shumë vjet në teatër duke dhënë kontributin e tij. - Publisher
- ADE
Etiketa të reja
Part of Suzana dhe Eser Qatipi
Renditja: 291 (219 shikime)
ADE, “Suzana dhe Eser Qatipi”, ADE, Arkiva Digjitale Shqiptare, accessed 27 qershor 2026, https://adsh.al/s/adsh/item/14127
Komentoni
No comment yet! Be the first to add one!