Nji masë shoqnore:

USHTOI në gjith botën e mbrendëshme e të jashtme Vendimi i Këshillit të Përgjithshëm të Komunitetit Musliman Shqiptar mbi lejimin e zbulimit të fytyrës së gruës islame shqiptare. Këshilli i naltpërmendun e mori ketë vendim mbas nji studimit të imët qi i bani raportit të parashtruëm prej Kryetarit të Komunitetit, Z. Dr. Behxhet Shapatit.
Tani për né nuk mbetet nevojë të çfaqim mejtim e të diftojmë a âsht me vend apo jo vendimi i marrun, tue qenë se ky vendim mbështetet në raportin justifikuës të Kryetarit të Komunitetit, i cili për t’ u argumentue, mbassi ka bisedue edhe me katër Kryemyftinjt, e ka shoqnue propozimin o vet edhe me kët fetfa: “Burri i huaj. Zejdi, sikur t'ë shofi fytyrën e gruës së huaj, Hindis, a âsht haram! — përgjigje: Nuk âsht haram!”

Korespondencë nga Elbasani

M’e të arritun këtu n’ Elbasan urdhëni i Kryesisë së Komunitetit Mysliman, mbi komunikimin e fetfasë për lejimin e zbulimit të gruës myslimane, Myftiu I vendit Z. Musa Haxhi Aliu pikë së pari filloi të qesi familjen e tij ashtu edhe vaizi Z. Zeqirija Efendiu bashkë me fonksionarët tjerë filluën t’ apin këshillat analoge në xhamijat e këtij qyteti. Me ketë rast Kryetari i Zyrës, Myftiu, mblodhi gjithë parinë e vendit dhe ja komunikoi fetfanë e naltpërmendun tue I dhanë këshillat e duhuna për zbulimin e gruës në bazë të fetfasë. Fetfanë dhe këshillat e Myftiut parija e populli i vendit i pritën me nji kënaqsi e pa ndonji kundrështim, tue pranuë në këtë mënyrë veprimin. Prej fonksionarve të Komunitetit filloi të zbulojë familjen e tij dhe të bijnë e vet, Z. Hafiz Ymer Dilja; qi kështu në këtë mënyrë do të veprojë gjithë populli regullisht. Sot, mbassi u lajmuen dhe antoritetet e vendit, u bâ nji thirrje e përgjithshme të gjithë grave, të paris e popullit të vendit qi të mblidhen në xhaminë Mbret, ku do t’ epen këshillat fetare si edhe spjegimet e nevojshme rreth fetfasë në fjalë. 'ku bazohet vendimi i reformës qi siguron jetesën e përparimin shoqnuer.

Elbasan, më 8-3-1937.

AQSH

Z. Kastriot Dervishi

1937

Komuniteti Mysliman