Ismet Kryeziu (1888-1952)

by Aleksandër Cangonja

Prefekti i Durrësit, shqiptari i Kosovës, gjakovari Ismet Kryeziu.

Të dhëna

Titulli
Ismet Kryeziu (1888-1952)
Përshkrim

Prefekti i Durrësit, shqiptari i Kosovës, gjakovari Ismet Kryeziu.

Emri
Ismet
Mbiemri
Kryeziu
Datëlindja
April 17, 1888
Datëvdekja
May 15, 1952
Jetëshkrimi

Nënshkrimi tek foto e bashkangjitur është e gjakovarit Ismet Kryeziut, ndërsa vula i përket institucionit që ai drejtonte, atë të prefekturës së Durrësit. Ky nënshkrim dhe kjo vulë i përket vitit 1930 dhe është nga mijërat nënshkrime që bënte titullari i prefekturës së Durrësit në shkresat e saja, për shkak të rëndësisë së madhe që kishte ky institucion në atë periudhë ku prefekti ishte “syu dhe veshi” i mbretit në lokalitetin që mbulonte kjo prefekturë . Ismet Kryeziu vinte me një eksperiencë institucionale si deputet në parlamentin e Jugosllavisë, ku mbas disa atentatesh largohet prej andej dhe më 1926 vjen në Shqipëri. Ai emërohet në vitin 1930 prefekt i Durrësit mbasi kishte kryer po të njëjtin funksion për dy vite në Vlorë, dhe e mban këtë detyrë deri në vitin 1931 ku më pas transferohet në Korçë po prefekt. Mbas pushtimit Italian do bënte pjesë në grupin e atyre që dërguan kurorën Viktor Emanuelit të III në Romë, veprim ky që do ja “njolloste” atij biografinë. Fill mbas mbarimit të luftës së dytë botërore 1945 do arrestohej dhe do dënohej me burgim të përjetshëm ku do gjente vdekjen në vitin 1952 në burgun e Tiranës.

Po kush ishte Ismet Kryeziu (1888-1952) (1)

U lind më 17 prill 1888 në Gjakovë, ku kreu arsimin fillor dhe atë të mesëm. Plotësoi arsimin në Stamboll. Më 1919 deputet në Jugosllavi, ku i bëhen disa atentate. Më 1926 vjen në Shqipëri. Më 1927-1928 prefekt i Beratit. Më 1928-1930 prefekt i Vlorës. Më 1930-1931 prefekt i Durrësit. Më 1932-1936 prefekt i Korçës. Më 1936-1939 zgjidhet deputet. Anëtar i asamblesë së 12 prillit 1939 dhe i dërgatës së kurorës në Romë. Më 1941 anëtar i komisionit të rivendikimeve që përbëhej nga 25 anëtarë. Më 1943 zëvëndësisht prefekt i Durrësit. Më 1940-1943 anëtar i Këshillit të Shtetit. Më 1943 ministër sekretar shteti i Tokave të Lirueme. Më 1945 dënohet me burgim të përjetshëm në gjyqin special si “kolaboracionist”. Vdiq në burgun e Tiranës më 15 maj 1952.

Referencat

Kryeministrat dhe ministrat e shtetit shqiptar në 100 vjet – Kastriot Dervishi

Fotot AQSH

Autori
Aleksandër Cangonja
Kontribuesi
Aleksandër Cangonja

Aleksandër Cangonja, “Ismet Kryeziu (1888-1952)”, Arkiva Dixhitale Shqiptare, aksesuar më 30 korrik 2021, https://adsh.al/s/adsh/item/19570

Komentoni

Elian

Ndjehem krenar per gjyshin tim Ismet Kryeziu.Faleminderit arkivit dixhital qe kujtoni vazhdimisht figura te shquara te Kombit tone.

11 korr 2021

Flag inappropriate

Reply

Jam dakord me kushtet e përdorimit dhe pranoj të ofroj kontributin tim nën liçensën CC BY-SA.

Annotations

There are no annotations for this resource.

Arkivat e zonave të tjera