Demostrata e 12 Prillit 1942 Durrës
Etiketat
Durrësi- Burimi
-
AQSH,fondi: 235/2 (Komiseria e Policisë Durrës), V. 1942, D. 1.
Komiseria e policisë Durrës 1942 - Përmbajtja
-
Demostrata e 12 Prillit 1942 në qytetin e Durrësit e cila me pjesmarrjen e punëtorëve dhe qindra të rinjve e të rejave ishte me përmasa të mëdha dhe do përfundonte e dhunshme. Organizimin e saj do ta merte përsipër komiteti qarkor i PKSH Durrës me sekretar politik Spiro Bakallin dhe sekretar organizativ Hajdar Dushin, data 12 Prill u zgjodh për të kujtuar aktin e tradhëtisë së Asamblesë Kombëtare e cila me datë 12 Prill 1939 mbasdite vendosi të dërgonte një delegacion në Romë për ti dhuruar kurorën e artë të Skëndërbeut, mbretit të Italisë Viktor Emanuelit të III, i cili në bazë të vendimeve kushtetuese të asamblesë do zgjidhej dhe mbret i Shqipërisë. Në demostratën popullore antifashiste pati të plagosur të shumtë por edhe një të vrarë. Sotir Noka një i ri nga qyteti i Durrësit që punonte si ndihmës në një nga dyqanet e shumta të bulevardit tregtar, vdiq mbas plagëve të mara. Sipas raportit të kuesturës së Durrësit e firmosur nga kuestori Subhi Topulli, jep të dhëna të rëndësishme rreth vrasjes së Sotir Nokës. Sipas raportit të Topullit, autori i kësaj vrasje ishte kavaljeri Italian Nikolino Marino i cili në përpjekje e sipër për të shpërndarë turmën qëlloi mbi turmë ku përveç vrasjes, plagosi dhe brigadierin e milicisë portuale Karlo Karbonin. Mbas demostratës atë e arrestuan dhe ja deleguan prokurorisë së mbretit në Durrës për ta hetuar më shumë ngjarjen dhe më pas për ta dërguar atë në gjykim në gjykatën e Durrësit duke e veçuar Marinon nga të arrestuarit e tjerë të cilët u dërguan për tu gjykuar nga gjykata speciale.
Raporti i mëposhtëm është siguruar nga Arkivi Qëndror i Shtetit, me fond: 235/2 (Komiseria e Policisë Durrës), V. 1942, D. 1.
Komiseria e policisë Durrës 1942
Me datë 12 Prill në Durrës qindra të rinj zhvilluan një demonstratë armiqësore kundër qeverisë dhe Italisë: ata ishin individë që i përkisnin shoqatave subversive ose të shtyrë nga anarkistë. Forcat publike u ballafaquan me demonstruesit, të cilët rezistuan dhe u bë e nevojshme të përdoren mjete të detyrueshme për të shpërndarë demonstruesit, të cilët më vonë u bënë arrestime të shumta që çuan në denoncimin e 55 individëve në gjykatën speciale nën akuzën e “shoqatës së propagandës subversive”, mbajtja e armëve , përbuzja e flamurit, refuzimi i bindjes etj. –
Raporti i kuestures së Durrësit me date 17/4/1942 e nënshkruar nga kuestori Topulli, thotë se gjatë shtrirjes së veprimit nga forcat publike për shpërndarjen e demostratës, ishte parë të vinte në mes të forcave publike për ti ndihmuar ato kalorësi MARINO Nicolino, i cili në veprimin e sipër përmendur për shpërndarjen e turmës ,goditi në këmbë brigadierin e milicisë portuale CARBONI Carlo (i shëruar tashmë nga plaga e tij) dhe shtetasin Shqiptar NOKA Sotir, ndihmës në një dyqan, i cili vdiq nga plagët e mara. Ndërsa të gjithë të arrestuarit e tjerë u denoncuan në Gjykatën Speciale për krimet e lartpërmendura, MARINO u raportua tek Prokurori i Mbretit në Durrës për vrasje dhe plagosje e rëndë e qëllimshme, për përdorim arme etj. –
Prokurori i mbretit ka ndjekur penalisht për këtë krim dhe MARINO u dërgua në gjyq tek Gjykata e Durrësit. –
MARINO apeloi në Gjykatën e Lartë për arsye të ndryshme kundër këtij urdhrit duke u referuar në: pa aftësinë e gjykimit nga një gjyqtar i zakonshëm, duke argumentuar se nga veprimi i kryer nga ai, lidhur dhe me akuzat kundër 54 të tjerëve, gjithashtu edhe për atë gjykata speciale duhet të jetë kompetente. –
Nderkoh, pas korrespondencës me gjyqtarin hetues të Durrësit, Avokati ushtarak, duke pohuar juridiksionin e gjykatës speciale, për të njohur akuzat e bëra ndaj Marinos, me datë 14 kërkoi zyrtarisht dokumentet (ose aktet), duke paralajmëruar se nëse nuk do t'i vihen në dispozicion, do të ngrejë konflikt kompetence përballje në diktim. Për dispozitat e detyrueshme në fuqi, duket se nuk ka dyshim se Marino duhet të gjykohet nga magjistrati i posaçëm, duke pasur parasysh lidhjen e dukshme të faktit që ai bëri me faktet që u atribuohen personave të tjerë të denoncuar. - Zona
- Durrës
- Kontribuesi
- Z. Aleksandër Cangonja
- Item sets
- Dokumente
Etiketa të reja
Part of Demostrata e 12 Prillit 1942 Durrës
Renditja: 554 (126 shikime)
“Demostrata e 12 Prillit 1942 Durrës”, Arkiva Digjitale Shqiptare, accessed 25 maj 2026, https://adsh.al/s/adsh/item/20534
Komentoni
No comment yet! Be the first to add one!