Mihal Rama (1873-1958)

Lindi në qytetin e Beratit në vitin 1873, kryen arsimin në vendlindje dhe më pas në Athinë mbaron studimet e larta në degën ekonomi-financë dhe pastaj kthehet në Durrës.  Zotëronte disa gjuhë të huaja si Greqishtja e vjetër dhe re, Frengjisht, Italisht dhe Rusisht. Mund të cilësohet si nga publicistët e parë të qytetit të Durrësit, artikujt e tij kishin tematikë ekonomike dhe politike të cilat hasen në gazetat e kohës me inicialet M.R. Në Durrës bëhet veprimtar i çështjes kombëtare ku sëbashku me vëllain e tij Kristaq Rama, Pavli Terkën (baxhanak i tij), Jahja Ballhysën etj themelojnë më 4 Shtator 1909 klubin patriotik "Bashkimi" Durrës e cila përhapte në popullatë idetë kombëtare. Mihal Rama ishte përhapës i gjuhës Shqipe me albfabetin Latin. Vdes në vitin 1958.