Bukurosh Sejdini (1916-1991)
Invalid data for media #21634.
Etiketat
Piktura- Emri
- Bukurosh
- Mbiemri
- Sejdini
- Kontribuesi
- Z. Beqir Sejdini
- Jetëshkrimi
-
Elbasani është një nga qytetet shqiptare që në elitën e personaliteteve të artit ka të fokusuar në kujtesë edhe piktorë të shquar. I tillë është dhe ''Artisti i Merituar'' Bukurosh Sejdini.
Bukurosh Sejdini u lind në qytetin e Elbasanit, më 28 Korrik 1916 në një familje të mesme qytetare.
Mësimet e shkollës fillore i kreu më 1929 në qytetin e lindjes, në shkollën “Naim Frashëri”, pastaj vazhdoi mësimet në shkollën Normale, deri në klasën e tretë. Më vonë, pasi u panë talenti dhe dëshira e madhe për pikturë u regjistrua në shkollën e mesme të vizatimit në Tiranë.
Pasi përfundoi studimet e shkollës së mesme, me përpjekje të mëdha, mundi të sigurojë një bursë për të studiuar në Rumani ku mësoi vetëm 2 vjet se pushtimi fashist I vendit dhe për kushtet politike të krijuara në atë kohë u detyrua të ndjekë studimet në Akademinë e Arteve të Bukura në Firence të Itali. U kthye në atdhe në vitin 1942.
Që në Itali u lidh me shokë komunistë që studionin atje si Qemal Stafa, Sami Baholli, etj dhe me tu kthyer në atdhe u lidh me lëvizjet e grupet komuniste, mori pjesë në demostratën që u zhvillua në vitin 1942 ku ra në sy dhe u burgos nga fashistët italianë.
Në fund të viti 1942 u emërua në shkollën Normale, ku punoi si mësues afër një vit sepse u arrestua nga fashistët për veprimtarinë e tij antifashiste dhe u dërgua në kampin e Porto Romanos.
Menjëherë pas daljes nga burgu, meqënëse qëndrimi i tij ishte bërë i vështirë në qytet, doli partizan ku qëndroi deri në çlirimin e plotë të vendit.
Pas çlirimit, u emërua në disa detyra, si drejtor i shkollës së mesme teknike (sot politeknikumi “7 Nëntori” në Tiranë), drejtor në gjimnazin e Durrësit, me kërkesën e tij u kthye në Elbasan dhe punoi si mësues vizatimi në shkollën 7-vjeçare “Naim Frashëri”.
Në vitin 1949 u emërua si shef i arteve figurative në Komitetin e Arteve dhe të Kulturës. Përsëri me kërkesën e tij, për kushtet familjare, u kthye në Elbasan dhe punoi në shkollën e mesme pedagogjike “Luigj Gurakuqi” për mbi 20 vjet deri sa doli në pension.
Në punën e tij është karakterizuar nga disiplina, ndërgjegja, korrektësia për të përgatitur një brez të tërë mësuesish edukatorë të artit, por njëkohësisht dhe të brezave të rinj të piktorëve të rrethit. Për punë të mirë, Presidiumi i Kuvendit Popullor i ka dhënë një sërë medaljesh e dekoratash si dhe titullin “Mësues i Merituar”.
Krahas punës mësimore edukative Bukurosh Sejdini ka dhënë një kontribut të paçmuar në lëvizjen artistike të rrethit të Elbasanit, punë të cilën Presidiumi i Kuvendit Popullor e ka vlerësuar dhe i ka dhënë titullin e lartë “Piktor i Merituar”. - Provenance
- Arkivi familjar i Z. Beqir Sejdini
- Item sets
- Portrete
Etiketa të reja
Part of Bukurosh Sejdini (1916-1991)
Renditja: 113 (307 shikime)
“Bukurosh Sejdini (1916-1991)”, Arkiva Digjitale Shqiptare, accessed 11 dhjetor 2025, https://adsh.al/s/adsh/item/21633
Komentoni
No comment yet! Be the first to add one!