Disa fjalë për Kurban Bajramin
Invalid data for media #24088.
- Përshkrimi
-
Disa fjalë mbi Bajramin e Kurbanit
Bajrami i Kurbanit ose siç njihet ndryshe “Bajrami i Vogël”, është festa e dytë e kalendarit hënor islam dhe kuptimi i saj është “festa e sakrificës”. Ajo mbahet për të nderuar përkushtimin e profetit Ibrahim alejhi selam ndaj Zotit, kur u urdhërua që të ofronte si sakrificë djalin e tij të vetëm. Kur profeti Ibrahim dhe i biri shfaqën bindje të plotë dhe nisën zbatimin e këtij urdhri, Zoti Fuqiplotë e parandaloi flijimin e djalit dhe e zëvendësoi atë me një dash. Dhe kështu profeti Ibrahim u lavdërua për përkushtimin dhe gatishmërinë e tij për t'iu dorëzuar Zotit.
Bajrami i Kurbanit është një nga festimet më të shenjta në Islam dhe shënon fundin e haxhit, pelegrinazhit vjetor në qytetin e shenjtë të Mekës në Arabinë Saudite, i cili është detyrim një herë në jetë për të gjithë muslimanët e aftë fizikisht dhe financiarisht.
Kur fillon Bajrami i Kurbanit?
Ashtu si festimet e tjera islame edhe Bajrami i Kurbanit përcaktohet nga kalendari hënor islam “Hixhri”. Ai fillon në ditën e dhjetë të muajit të 12-të hënor, DhulHixhxhe, pas ditës së njohur si Dita e Arafatit. Për këtë vit,
Dita e Bajramit daton të premten më 1 shtator. Data është vendosur kur shihet hëna e re, e cila shënon hyrjen e një muaji hënor.
Sa zgjat?
Bajrami i Kurbanit zgjat katër ditë. Në secilën prej këtyre ditëve mund të theret kurbani, duke filluar që pas faljes së namazit të Bajramit e deri në perëndimin e diellit të ditës së katërt.
Si festohet?
Muslimanët veshin rrobat më të mira për të kryer faljen e namazit të Bajramit, e cili zakonisht realizohet në sheshe të hapura, apo siç njihen ndryshe: Namazgja (Musalah).
Më pas fillon shkëmbimi i urimeve dhe i dhuratave. Ndërkohë ata që kanë mundësi, kryejnë ritin e therjes së kurbanit, në përkujtim të historisë së Ibrahimit alejhi selam dhe traditës së pejgamberit Muhamed alejhi selam duke prerë një bagëti të imët ose të trashë. Preferohen deshtë e moshës 6-muaj e lart. Një e treta e mishit konsumohet nga familja në drekën e Bajramit, një e treta tjetër u shpërndahet miqve dhe të afërmve dhe pjesa e fundit u dhurohet atyre që janë në nevojë. Kjo periudhë shihet si një kohë e rëndësishme bamirësie. - Kontribuesi
- Z. Alban Kodra
- Subject
- Fotografia
- Item sets
- Shkrime
Etiketa të reja
Part of Disa fjalë për Kurban Bajramin
Renditja: 650 (114 shikime)
“Disa fjalë për Kurban Bajramin”, Arkiva Digjitale Shqiptare, accessed 25 maj 2026, https://adsh.al/s/adsh/item/24087
Komentoni
No comment yet! Be the first to add one!