PEMA E FAMILJES SË BIÇAKÇIVET
Invalid data for media #24305.
Invalid data for media #24306.
Invalid data for media #24307.
- Përshkrim
- Pema gjenealogjike e familjes Biçakçiu sipas shënimeve të familjes.
- Kontribuesi
- Z. Eqerem (Luku) Kozarja
- Historia
-
E dokumentuar simbas dokumentave që janë dorëzuar në Arshivën e Shtetit në Tiranë dhe simbas "Historisë së imperatorisë Osmanllivet" e shkruar prej Vilhelm Zinkeis dhe Hommer von Purgstal.
I dyti Sulltan i Dinastisë Osmanllivet, Orhani, me fëmijët që merrnin peng prej familjeve krishtere, pasi i bënte myslimanë, formoi ushrinë e jeniçerëve (Ushtria e Re) ose Bektashitë (meqë u bekue prej Haxhi Bektashit në vitin 1333: Arma e juaj shkoftë gjithnjë përpara deri sa të mbajë këtë besim) Në atë kohë asnjë vend nuk kishte ushtri të rregullt dhe të disiplinuar si kjo. Ishte organizaur prej një Kadiut të ushtrisë me emrin Halil Genderli, simbas ushtrisë së Romës së vjetër. Një regjiment kishte (?) dhe ishin Këmbësori. Haxhi Bektashin e kishin emëruar Komandant nderi të Regjimentit dhe ky u quajt piri i jenicerëve. Këto dervishë banonin në kazermat e jeniçerëve dhe luteshin natë e ditë për mbarëvajtjen e armës së Jeniçerëve. Simbas Bektashinjve, Jeniçerët e quanin njëri-tjetrin vëllezër dhe oficerët që ishin një gradë më lart - c1farëdo grade të ishin- i quanin Aga. Kjo fjalë vjen nga greqishtja e vjetër dhe ka kutpimin "vëlla i madh" (lala).
Në kohën e Sulltan Muratit të II, Gjon Kastrioti (i ati i Skënderbeut ) dhe Arianiti kanë qenë marrë në oborrin e tij. Gjoni pranoi të bëhej mysliman dhe u lejua të kthehej në Krujë. Që kur Arianiti u arratis filloj luftën kundër Turqëve në Shqipërinë e Jugut. Atje kishin rrethuar një batalion jeniçerësh në fortesën e Gjirokastrës, kur ja mbërriti Turhan Pasha me forcat Turke që ishin në Thesali dhe shpartalloi rrethimin, duke i dhënë fund kësaj lëvizje. Arianiti u arratis për në atë zonë të Shqipërisë që ishe e paprekur nga Gjon Kastrioti (në Çermenikë), por kur erdhi më vonë Murati i II për të luftuar me Skënderbeun, ka pas marrë djem peng prej kësaj familje dhe i ka futur në armën e jenicerëve. Simab gojëdhanave ka qenë i pari arkitekt Sinan Pasha. Ky kishte titullin Biçakçi, se kështu quheshin oficerët e xhenios së Jeniçerëve. Prandaj Biçakt e Çermenikës mund të jenë nga familja ose personeli i familje së tij që merrnin shumë herë mbiemrin e familjes ku ishin shërbyes. Ky ka pas jetuar në kohën e Sulltan Mehmetit të II (Fatihut). Dhe në kohën e të birit të Mehmetit të II, Sulltan Bajazitit të II, ka ndërtuar kalanë e Vlorës. Në Elbasan ka pas ndërtuar një xhami ku është sot farmacia nr 2, Përkundër hendeku të Kalasë së Elbasanit.
Hierarkia e gradave që jepte Sulltani mvareshe simbas personit që i drejtoheshe grada dhe jo simbas familjes që i përkiste personi. Ata që mbeteshin të pagraduar quheshin Bejzade. Të barazuar me gradat ushtarake ata ishin : Pasha i I me Marshallin dhe këtë gradë e kishin ministrat dhe vezirët e vilajeteve më me rëndësi. Mbas këtij vinte Beu i I që ishte baraz me Gjeneralkolonelin. Pasha i II ishte i barabartë me Gjeneral lejtnantin; në armën e jeniçerëve quhej Qehajaj. Pasha i III ishte baraz me Gjeneral majorin, ke Jeniçerët, kur ishte kryetar shtabi i Jeniçerëve , quhesh Samsunxhibashi dhe kur ishte komandant divizioni quhesh Segenbankash. Beu i II ishte baraz me kolonelin ke Jeniçerët dhe quhesh Çorbaxhi, sepse do rrinte prezent dhe në këmbë kur ndahej gjella e regjimentit. Beu i II baraz me nënkolonelin. Pashaagaj ishte baraz me major, kurse jeniçerët Sakashi (ujë mbajtësi)
- Item sets
- Familje
Etiketa të reja
Part of PEMA E FAMILJES SË BIÇAKÇIVET
Renditja: 187 (249 shikime)
“PEMA E FAMILJES SË BIÇAKÇIVET”, Arkiva Digjitale Shqiptare, accessed 22 janar 2026, https://adsh.al/s/adsh/item/24302
Komentoni
No comment yet! Be the first to add one!