“Zgjedhjet e kontestuara të Këshillit Bashkiak Durrës, 12 korrik 1938”

1938-07-22

by Aleksandër Cangonja

Të dhëna

Përmbajtja

Në kohët e sotme në vendin tonë sa herë që zhvillohen procese votimi në të dyja nivelet si ato parlamentare dhe lokale, gjithmonë ka kontestime rreth tyre. Kjo gjë ndodh për shumë arsye, por le të kthehemi mbrapa në histori për parë mënyrën se si kontestoheshin zgjedhjet nga humbësit e tyre.

Kemi të bëjmë për zgjedhjet e Këshillit Bashkiak të qytetit të Durrësit, duke qenë se kryetari i Bashkisë në periudhën e Monarkisë zgjidhej nga Mbreti e vetmja arenë ku politikanët mund të garonin ishin zgjedhjet për Këshillin Bashkiak. Situata në Durrës ishte ndezur, qyteti në aspektin politik ishte ndarë, nga njëri krah kemi ata me Konservatore dhe mbështetës të Monarkisë ndërsa nga krahu tjeter shohim grupim Liberal në kontekstin e kohës apo Republikan. Gjithsesi këto nuk ishin parti politike sepse regjimi i asaj kohe nuk e lejonte një gjë të tillë.

Më 12 Korrik 1938 në sallën e godinës së Bashkisë zhvillohej votimi, Kryetar i Komisisionit të votimit ishte Gjyqtari Filip Bishka i asistuar nga dy anëtar të Këshillit Administrativ të Prefekturës së Durrësit Kristaq Zagurida dhe Shyqri Haveriku. Në të dyja krahët do ishin emra të njohur të qytetit të Durrësit ku mund të përmendim Ramazan Jellën (vëllai i Rexhep Jellës), avokat Shefqet Çelkupën i cili më vonë do bëhej dhe kryetar i Bashkisë së Durrësit dhe ishte një nga personat që bënte pjesë në delegacionin e dorëzimit të kurorës në Itali, por edhe biznesmenët e mëdhenj si Vangjel Anastasiadhi, Mustafa Kosova, Halili Beshiri, Stefan Tati, Anastas Leka, Haxhi Shehi, Vangjel Mima, Bep Herzegu. Ndërsa nga krahu tjetër do shohim figura si Sulejman Kadiu, Shefqet Beja (i cili pas zgjedhjeve do bëhej kryetar i Këshillit Bashkiak), Nikolla Ekonomi, Nikolla Tirana, Jusuf Milaqi, Muhamet Luga, Lluka Rrufa, Lin Vlashi dhe Ramazan Veli.

Në orë 19:30 mbyllet votimi, dhe mbas numërimit fitues del grupimi i Shefqet Bejës, grupim ky që do kryesonte Këshillin Bashkiak të Durrësit. Ata do të kishin mbështetjen edhe të personazheve progresiste të qytetit siç mund të përmendim Nako Spiron, Spiro Bakallin, Doktor Enver Zazanin, Iljaz Rekën, Jorgji Lipën, Aleksandër dhe Lefter Goga, Teodor Hebën etj. Këta të gjithë lobuan tek puntorët e Stamlesit dhe të portit që të votonin grupimin e Shefqet Bejës.

Gjithsesi nuk do mbetej me kaq, grupi kundërshtar i quajti të papranueshme këto zgjedhje si jo të rregullta dhe të deformuara. Ata ankimuan në Gjykatën e Shkallës së pare të Durrësi, dega civile. Padinë do e bënte avokat Shefqet Çelkupa i cili ishte dhe vetë kandidat, ndërsa pala e paditur do mbrohej nga avokat Pandi Frashëri. Gjyqi do niste me date 22 Korrik 1938 ora 08:00 dhe prokuror do caktohej Selim Damani.

Historia vazhdon….

Referencat
A.Q.Sh, F.237-1938

Grupet e materialeve

Aleksandër Cangonja, ““Zgjedhjet e kontestuara të Këshillit Bashkiak Durrës, 12 korrik 1938””, 1938-07-22, Arkiva Digjitale Shqiptare, aksesuar më 21 maj 2022, https://adsh.al/s/adsh/item/25426

Komentoni

Asnjë koment deri tani! Bëhu komentuesi i parë!

Jam dakord me kushtet e përdorimit dhe pranoj të ofroj kontributin tim nën liçensën CC BY-SA.

Arkivat e zonave të tjera