Ndarja e zonave elektorale në Durrës viti 1924, dhe lejimi i votimit te Kosovarëve te shpërngulur në Shqipëri

Bëhet fjalë për vitin 1924 kur mbas “revolucionit të qershorit” në fuqi kishte ardhur grupi anti zogist i Fan Nolit, Bajram Currit, Luigj Gurakuqit etj. Në një qarkore e Ministrisë së Punëve të Brendshme dërguar Prefektuarave më date 9 Korrik 1924 ku lajmëron se: “Si mbas vendimit te Keshillit Ministruer Nr-655 me I/XII/1924 nga emigrandet qi gjindn ne Shqipnie dhe qi jane ne Librat e Shtetit Civil dhe me ket bashk nuk jane instaluar skan te drejt votimi dhe emigrandet e tjere d.m.th. ata qi jane instaluar e regjistruar dhe ata qi nuk jane instaluar po jane regjistruar si dhe jane regjistruar po s’jane instaluar kan te drejt votimi ne zgjedhjet Parllamentare.

P.Ministrin e P. te Mbrendshme

H.Tefiku.d.v.

Qarkore Kryetarit te Komisionit te Zgjedhjevet.”

Pra sipas kësaj qarkoreje Ministria lajmëronte Prefekturën që në rast organizimi të zgjedhjeve parlamentare në vend do lejoheshin të votonin dhe “emigrantët” Kosovarë të vendosur në Prefekturën e Durrësit.

Një fakt tjetër interesant ishte dhe ndarja e zonave zgjedhore për këto zgjedhje, ajo që bjen në sy është se qyteti ndahej në pesë zona dy lagja “Kala” dhe tre lagja “Varosh” e ndërsa fshtatrat në 4 zona zgjedhore. Këto zona do nxirrnin gjithsej 36 zgjedhës të dytë respektivisht 1 qyteti 21 zgjedhës të dytë dhe fshati 15 zgjedhës të dytë. Ndërsa ndarja sipas besimit fetar të zgjedhësve do ishte 23 të besimit Musliman, 11 Ortodoks dhe 2 Katolikë. Këto zgjedhës të dytë do dilnin si përfaqësues të 9027 banorëve të nënprefekturës së Durrësit.

Ndarjet e zonave elektorale ishin si më poshtë:

Qyteti

Lagja Kala, Muhamedan bashk me jabanxhit Muhamedan qi prej Nr.1 deri me nr.21 shpia, të cilat nxirrnin zgjedhës të dytë 2 Muslimanë, vendi votimit Bashkia

Lagja Kala, Ortodoks dhe të tanë Katolikt e qytetit, dhe prej Nr.1-2 shpia nga Ortodoksit e Varoshit, me zgjedhës të dytë 1 Ortodoks dhe 1 Katolik, vendi i votimit Bashkia

Lagja Varosh, Muhamedanët qi prej Nr.1 deri 21 shpia, bashkë me jabanxhi Musliman prej Nr. 22-77 shpia me zgjedhës të dytë 6 Muslimanë, vendi i votimit Bashkia

Lagja Varosh, Ortodoksit bashk me lagjen e Stanit, me 6 zgjedhës të dytë Ortodoksë

Lagja Varosh, Muhamedant qi prej Nr.292 deri 458 shpia, bashkë jabanxhit Ortodoksë dhe me Lagjen e Re (Jevgje) me 5 zgjedhës të dytë Musliman, vendi votimit Bashkia.

Ndërsa fshatrat e Durrësit kishin ndarje tjetër, ato do ndaheshin në katër zona elektorale në këtë mënyrë:

Fshati

Fshatrat Sukth dhe Sallmane, Muhamedan, Ortodoks. Sukthi do kishte tre zgjedhës të dytë dy Musliman dhe 1 Katolik. Ndërsa Sallmone do kishte dy zgjedhës të dytë Musliman, gjithsej pesë zgjedhës, vendi i votimit Katundi Sukth

Fshati Zhavzotja (Xhafzotaj) Musliman dhe Ortodoks do kishte dy zgjedhës të dytë Musliman, vendi i votimit Katundi Xhavzotja

Fshatrat Rreth, Arape e Shkallnur vetëm Musliman, dhe Pjeshkëz Musliman e Ortodoks nga një zgjedhës çdo katund pra gjithsej 4 zgjedhës të dytë, vendi votimit Arapë

Fshatrat Spitall Ortodoks e Musliman, Juba dhe Shinavlashi Ortodoks dhe Musliman, Katolik dhe me Ortodoksit e katundeve Rreth, Arape. Nga Spitalla dhe Shinavlasi tre zgjedhës të dytë, nga Juba një zgjedhës i dytë Ortodoks, në total 4 zgjedhës të dytë, vendi votimit Shinavlash.

Vendim

Mbi Dekretin e Këshillit të Naltë shpallun me 14.XI.24 i cilli na thrret popullin në zgjedhjen Parlamentare, Këshillin Bashkiës mas nenit 13. të Ligjes për zgjedhjen e miseve të Kuvendit, qarkun e Nenprefektures e ndau ne nan zona elektorale sikurse shkoqitet, 5 zona në qytet me 21 zgjedhës të dytë, 13 Musliman, 7 Ortodoks, 1 Katolik. Ashtuë edhe katundet në 4 zona me 15 zgjedhës të dytë 10 Musliman, 4 Ortodoks, 1 Katolik të 9027 frymve.

Komisari Hysen Myshketa, Antar Ismail Beja, Antar Perikli Spiru, Antar (nuk dallohet) Antar Sabri Dermani

22/XI/24