Kisha e “Shën Mërisë“, Kosinë, Përmet, Shek. XII

Përshkrimi

Kisha e “Shën Mërisë“ gjendet sipër një kodre në fshatin Kosinë të Përmetit. Kisha është në formë kryqi me kube dhe ka përmasa 11x7.50 metra. Kisha përbëhet nga naosi, narteksi dhe mjedisi i altarit. Tamburi cilindrik është i ndërtuar me tulla. Në të këmbehen dritare me nike të harkuara, të cilat janë me tulla të shkallëzuara. Tamburi përfundon me një frize prej tullash të vendosura në formë dhëmbë sharre. Faqet e mureve janë të ndërtuara me gurë dhe tulla. Gurët e papunuar janë të vendosur në formë të çrregullt. Muret janë të stolisura me motive zbukuruese. Muratura e kishës është e tipit të kluasonazhit dhe i përket shek. XII[1].

Në një tullë të rrumbullakët të murosur në murin lindor përmbi apsidën e kishës gjendet viti 800, 200, 700”[2].  Ikonostasi i kishës është i gdhendur në dru. Mbi ikonën e Krishtit në ikonostasin e kishës është shkruar: Διά χιρός Νικολάου ίερέος Ποστενάλης 1829 Μαίου 16. “Me dorën e Nikollë Postenalit, 1829 maj 16”[3].  Kambaneria e kishës është ndërtuar në vitin 1868. Mbi një gur të kambanerisë është gdhendur viti 1868[4]. Kisha e "Shën Mërisë" në fshatin Kosinë të Përmetit në vitin 1963 është shpallur monument kulture[5].

 
Referencat

[1] -Aleksandër Meksi, Arkitektura e kishave në Shqipëri, Uegen, Tiranë 2004, faqe 159-161; Τιτος Γιοχαλας, Στη γη του Πυρρου, εκδοσεις Αστερισμοσ-Λιζα Εβερτ, Αθήνα, 1995, σελ 94.

[2] -Theofan Popa, Mbishkrime të kishave në Shqipëri, Tiranë 1998, nr. 293, faqe 153.

[3] -Theofan Popa, Mbishkrime të kishave në Shqipëri, Tiranë 1998, nr. 431, faqe 199.

[4] -Theofan Popa, Mbishkrime të kishave në Shqipëri, Tiranë 1998, nr. 453, faqe 205.

[5] -Mbrojtja e monumenteve, Botim i Institutit të Monumenteve të Kulturës, Tiranë, 1974, faqe 42; Trashëgimia Kulturore akte ligjore dhe nënligjore, Ministria e Kulturës, Rinisë dhe Sporteve, Tiranë, 2003, faqe 78.
Autori
Andrea Llukani
Kontribuesi
Andrea Llukani
Periudha
Kishat mesjetare
Koleksionet
Kishat Ortodokse

Etiketa të reja

 Jam dakord me kushtet e përdorimit dhe pranoj ta çliroj kontributin tim nën liçensën CC BY-SA. 

Pjesë e Kisha e “Shën Mërisë“, Kosinë, Përmet, Shek. XII

Renditja: 172 (88 shikime)

Andrea Llukani, “Kisha e “Shën Mërisë“, Kosinë, Përmet, Shek. XII”, Arkiva Digjitale Shqiptare, accessed 13 shtator 2024, https://adsh.al/s/adsh/item/25880

Komentoni

No comment yet! Be the first to add one!

Jam dakord me kushtet e përdorimit dhe pranoj të ofroj kontributin tim nën liçensën CC BY-SA.