Kur flitet për konçesione në kohët e sotme e gjithë vëmendja publike shkon tek politikanët se kush prej tyre fshihet mbas atij konçesioni. Ndërsa para 96 vitesh konçesionet jepeshin lirisht dhe publikisht politikanëve ku të cilat nuk ishin të jashtëligjshme.

Më konkretisht tregohet një rast në Durrës, ku zona e Porto Romanos jepej në konçesion dy deputetëve të Parlamentit të asaj kohe Abdurrahman Matit (Krosi) dhe Mehmet Konicës. Të dy këta politikanë me peshë në jetën publike në vitet 1920-1939. Ndryshe nga sot ku një pjesë e zonës së Porto Romanos ju është dhënë në konçesion kompanive të ndryshme në fushën e hidrokarbureve, në vitin 1926 kjo zone do jepej për shfrytëzim në fushën e minieraleve, më sakt ajo e çimentos. Kontrata parashikonte një zonë prej 1000 hektarësh me një afat kohor prej 10 vitesh

Më poshtë dekreti i Presidentit Ahmet Zogu:

“Kryesija e Republikës i ka dergue Ministris së P. të Mbrendshme, dekretin qi vijon: Na, Kryetari i Republikës Shqiptare, i mveshun prej vullnetit të popullit me fuqinat sovrane të Shtetit tue pamë vendimin e Këshillit Ministruer date 21-11-926, DEKRETOJMË: ratifikimin e kontratës së lidhun në mest të Ministriës së P. Botore e Bujqesiës e të ZZ. Deputetit Abdurrahman Matit e Mehmet Konica mbi shfrytëzimin e minieres së çimentos në zonën qi shtrihet prej nji siperfaqeje 1000 hektarësh kufizueme prej Portes Romane të Durrësit nga Lindja me quota 102 prej andej në quota 79, 103, 112 e vjen në detë e prej këndejmi tue u zgjatë gjith kufinit per breg të detit e deri tek Porto Romane, sim bas kopjes së kontratës së bashkngjitun tue autorizue zyrat kompente per veprim.

Tiranë 14. VII. 26

A .Zogu d.v.

Ministri P. Botore e Bujqësis

Musa Juka d.v.”