50 vjet më parë (13 janar 1973) mbaj mend një ndeshje të dobët të Italise në Napoli kunder përfaqësueses turke për eleminatoret e Botërorit në Gjermani të vitit 1974. 
Ndonëse Italia luante kundër një kundërshtari mediokër që nuk beri një goditje në portën e Zoff,  italianët nuk mundën të mposhtnin portierin e skuadrës turke gjate 90 minutave... një portier i shkathët dhe I guximshëm në nderhyrjet e tij... 
Fati I buzëqeshi skuadrës italiane, më 25 shkurt 1973 në Stamboll dhe pikërisht në stadiumin e Beshiktash ku luante talenti i portës turke , Pietruzzo Anastasi shënoi golin e fitores dhe kualifikimi i të kaltërve në Kupën e Botës 1974 nuk gjeti pengesa të tjera. 
Portieri I skuadrës turke quhej Sabri Dino... 
Kush ishte Sabri Dino? 
Ishte nipi i Abidin Dinos, piktorit të madh turk më origjinë shqiptare nga Çamëria. Kemi shkruar në një postim për këtë figurë të madhe të artit edhe si regjizor të filmit "Gol" për Botërorin anglez të vitit 1966 dhe këtu na del edhe lidhja e artistit të famshëm me futbollin. Jo rastësisht kamera fokusonte portierët e medhenj të atij botërori... Yashin, Banks, Tilkovski, Iribar, Mazurkievich, Albertosi, Gilmar... Nëpërmjet tyre regjizorit Dino i kujtohej nipi i tij që asokohe ishte portieri më i mirë ndër ekipet turke... 
Sabri Dino ka luajtur futboll deri në vitin 1975 me Beshiktash. Me përfaqësuesen turke ka luajtur 12 ndeshje gjatë viteve 1969-1975. 
Ka qenë pjesë e Beshiktash në dy ndeshje në kuadër të Kupës Ballkanike në vitin 1965 kunder 17 Nëntorit të Tiranës ( 1-1 në Stamboll dhe 2-0 në Tiranë për skuadrën tone. Në Stamboll ka shënuar Bukoviku, ndërsa në Tiranë Fatmir Frashëri dhe Niko Xhaçka). 
Më pas hyri në biznesin e tekstilit më veshje për burra. Por këtu ishte i pafat dhe biznesi i tij falimentoi. Ky falimentim solli tragjikisht edhe vetevrasjen e tij më 14 janar 1990.