for
Dokumente

  • Shkëlqesia e Tij Woodrow Wilson, Presidenti i Shteteve të Bashkuara

    1919-01-03

    Dorëshkrim i zbukuar i paraqitur Presidentit Woodrow Wilson nga studentët shqiptarë të Universitetit Mbretëror të Romës, më 3 janar 1919. Një lutje nga një grup studentësh shqiptarë për mbështetje për Shqipërinë nga Shtetet e Bashkuara, e nënshkruar: Roma, III janar MDCCCCXIX, Kostantin Kotte.

  • Dekreti i faljes së Ahmed Daklit nga Mbreti Zog

    2021-07-28

    Mbas largimit nga atdheu më 26 dhjetor 1924 me traget nga Vlora për në Brindisi, fillon dhe kalvari i emigrimit politik të Ahmed Daklit i cili qëndroi gati 6 vite jashtë atdheut. Por më 2 mars 1929 Ministri Drejtësisë Hiqmet Delvina i propozon amnistinë e Ahmed Daklit dhe i dërgon shkresë Kryeministrisë e cila më pas kjo e fundit ja dërgon Mbretit me date 11 mars 1929. Ndërkohë Mbreti Zog me date 21 mars 1929 nxjerr dekretin e faljes e të arratisurit politik Ahmed Dakli.

  • Demostrata e 12 Prillit 1942 Durrës

  • Kur Ahmed Dakli i kërkonte Lef Nosit të ishte udhërrëfyes për turistët e huaj në Elbasan

    2021-07-25

    Është interesante një shkresë që kryetari i Bashkisë Elbasan në vitin 1937, Ahmed Dakli i drejton Lef Nosit. Ai i kërkon që të shoqërojë turistë të huaj që vinin të vizitonin Elbasanin. Arsyeja ishte se Lef Nosi zotëronte disa gjuhë të huaja dhe se ai mund t’ja përkthente si duhet vendet që ato vizitonin. Njëkohësisht i bënte reklamë vendit e qytetit të tij.

  • Kulla e Sahatit të Durrësit, një element i harruar !

    2021-07-24

    Nëse do vizitojmë Tiranën, Kavajën, Elbasanin etj do vërejmë diçka të përbashkët midis tyre, që në sheshet qëndrore të këtyre qyteteve do të shohim kulla të ndërtuara në periudhën Osmane të cilët shërbenin si kulla sahati, të gjitha këto janë të ndërtuara në shekullin XIX. Por një gjë të tillë nuk e shohim në Durrës, pse ?

  • Rezistenca antifashiste në Durrës më 7 Prill 1939 !

  • Përshkrimi i "Revistës JAVA" për plazhin e Durrësit 1938 !

    1938-06-27

    Meqë jemi në stinën e verës, dhe plazhi është një mënyre e mirë për ti kaluar temperaturat e larta, po publikoj një artikull të vitit 1938 të revistës “Java” e cila botohej në Tiranë. Në botimin e ditës së hënë datë 27 Qershor 1938 në seksionin e lajmeve do përshkruante lajme nga plazhi i Durrësit. Kjo ishte periudha kur plazhi i Durrësit kishte filluar të merrte jetë duke u urbanizuar në mënyrë korrekte, gjithashtu shkruhet për fillesën shërbimeve nga bashkia e qyteti dhe operatorët privatë duke e bërë kështu “banjën e Durrësit” të shfrytëzueshme për turistët e huaj dhe vendas. LAJME nga PLAZHA Plazha e Durrsit sivjet është m’e këndëshme. Ka një zhvillim dhe përparim të dukëshëm. Dhomat dhe kafe-restauranti, të përmirësuar mjaftë dhe shkëlqejnë. Po edhe plazha shkëlqen nga pastërtia. Bashkia e Durrësit, tregon një kujdes të admiruarshëm për këtë gjë. Bashkia ka bërë edhe një motoskafë, e cila siguron komunikacjonin Plazhë Durrës. Dhe sa e bukur është ! Një kukllëz me gjithë kuptimin e fjalë duket. Sidomos natën kur ndez edhe dritat. Përveç motoskafës, Bashkia e Durrsit, ka blerë edhe një autobuz për nevojat e komunikasjonit Durrës-Plazhë. Po Bashkia u interesua që t’u sigurohet banorëve të Plazhës çdo lehtësi. Një tregëtarë gjanash ushqimi krejtësisht e kompletuar, një furr, tregëtarë pemësh dhe barishtësh, Kinema, orqestë etj. Familjet po filluan të vijnë në Plazhë, natyrisht ato e kanë “vaktin”. Por edhe vizitorët tiranas dhe durrsakë kanë filluar. Nga Durrësi lajmërohet se për së shpejtë do të lëshohet një … barkë, nga kantjerët “Kalabota” t’atij, qyteti. Armator i kësaj është një ish gazetar dhe tashti… shahist me famë. Barka do të jetë jashtëzakonisht e madhe – do të mund të nxëjë 5 veta veç barkaxhiut – dhe do të jetë në dispozicjon të kujdo që do të paguajë një frang në orë. Në rranishtë sivjet nuk ka të hedhura kuta sardelash dhe as në det gozhda. Kështu është frikë që Banjat Popullore të … humbasin origjiualitetin e tyre. Që të gjithë pyesin në se do të qërohet plazha edhe nga disa ferra dhe gjëmba që ka dhe presin me interesim një përgjegje nga zoti Rustem Ymeri. Në Plazhë sivjet ka edhe “pensjon”, por ky nuk është për llauzin për arësye të çmimëve. Vetëm një gjë nuk ka tash për tash në Plazhë: subjekte për të mbushur këtë shtyllë !.

  • Ismet Kryeziu (1888-1952)

    Prefekti i Durrësit, shqiptari i Kosovës, gjakovari Ismet Kryeziu.

  • Fillimet e shërbimeve private turistike në plazhin e Durrësit.

    2021-07-10

    Nga fundi i viteve '30 plazhi i Durrësit apo "Banjat Popullore" kishin filluar të merrin formë të mirëfilltë. Përveç investimeve të bashkisë së qytetit në infrastrukturë dhe urbanizimin e plazhit, po ashtu dhe ndërtimi i vilave private në plazhin e Durrësit kishte filluar dhe shërbimi turistik privat. Në një nga reklamat që shfaqeshin së shumti në faqet e revistave të kohës, i bëhej jehonë një prej subjekteve private që kishte investuar në plazhin e Durrësit ! "Jeta sivjet në Banjat Popullore në PLAZHËN e DURRSIT do të jetë shumë m'e mirë dhe shumë m'e këndëshme nga vjetet e tjera. Sotir Dushi & Shoq., Koncensjonarët e banjove, kan harxhuar pa hesap për t'u siguruar banorëve dhe vizitorëve të Plazhës, çdo komoditet, çdo kënaqësi, çdo dëfrim. Pastërti shëmbëllore. Shërbimi më i mirë. Pije më të zgjedhura. Kuzhinë më e organizuar. Për çdo minutë komunikasjon me Durrësin vetëm me një lekë vajtje-ardhje. Çmimet? Më të lira se nga çdo qendër të çdo qyteti.

  • "Pleqësia e Shqipërisë së Mesme"

    2021-07-10

    Më 12 Tetor 1913 formohet “Governa e Durrësit” të cilën historiografia jonë e njeh me emrin “Pleqësia e Shqipërisë së Mesme “, në krye të së cilës vendoset Esat Pashë Toptani. Ajo u krijua si pasojë e mosmarrëveshjeve politike të Qeverisë së Përkohshme të Vlorës me disa nga figurat kryesore politike të vendit. “Governa e Durrësit” kishte aparatin e saj shtetëror dhe vulën e saj zyrtare !

  • Kur avokat Perikli Goga emërohej delegat në Asamblenë Konstitucionale . 1928

    1928-07-14

    Ishte periudha e zgjedhjeve në Shqipëri, e cila nga votat e popullit do dilnin zgjedhësit e dytë dhe më pas prej atyre do dilnin deputetët të cilët do votonin në Asamblenë Konstitucionale ndryshimin e regjimit në Shqipëri, nga Republikë në Monarki. Nga dokumenti që gjendet në A.q.sh do shohim një shkresë të Prokurorisë Tiranë të dërguar Prefektit të Tiranës z. Izet Dibra i cili vihet në dijeni se avokati i njohur nga Durrësi z. Perikli Goga do të zëvëndësonte z. Tahir Qarri si delegat i zgjedhjeve të vitit 1928 për zonën e Vorës. Prokurori i Tiranes Nr: 1334/28 P. T. Prefekturës Këtu Si mbas urdhenit të P.T. Ministris së Drejtësis Nr: 1276/51. D 14-VII-28. Ju njoftohet se, në vend të Z. Tahir Qarrit i cili kje emnue delegate për zgjedhjet e Asambles Konstitucionale në krahinë Vorë, u delegua Advokat Z. Perikli Goga. Pra, lutemi të permendimit t’i nji paradhënje prej 200 (dyqin) fr.ari për m’u nisë qi sod në detyrën e ngarkueme. Tiranë, me 14/VII/28. Prokurori Mas ti shkruhet Pref. Kryeqytetit për kompetencë i aprovohet P. Financavet 14/VII/28 Prefekti 14/VII/28 Izet Dibra

  • Faqja e parë e dorëshkrimit të Kristoforidhit "Gjahu i Malësorëve", 1884

  • Patente mbrojteje për patriotin Filip Çeka ( Summa), firmosur nga konsulli francez në Shkodër, 1854.

    Patente mbrojteje për patriotin Filip Çeka ( Summa), firmosur nga konsulli francez në Shkodër, Hecuardi në vitin 1854.

  • Medalje nderi nga Presidenti Francez për Z. Mikel Çeka. Gusht 1895.

    Nji vlerësim nga shteti francez ,medalje ari. për Z. Mikel Çeka ( Summa) i cili ka shërbyer për afro 50 vjet në konsullaten franceze në Shkoder në ato vite.

  • Komiteti për mbrojtjen e Hotit dhe Grudës, 1880

    Ky dokument pasqyron nji etape të rëndësishme për mbrojtjen e tokave shqiptare. I treti në kete liste asht vllau i gjyshit tim nga Shkodra, atdhetari Filip Çeka.

  • 1931, Çertifikatë lindje e lëshuar nga Bashkia e Elbasanit.

  • Hotel "Moderno" në Elbasan dhe burgosja e pronarit të saj, Xhavit bej Biçakut.

  • Revista "Zani i Naltë" , Viti 12, Nr 3, mars 1937

    1937

    Nji masë shoqnore: USHTOI në gjith botën e mbrendëshme e të jashtme Vendimi i Këshillit të Përgjithshëm të Komunitetit Musliman Shqiptar mbi lejimin e zbulimit të fytyrës së gruës islame shqiptare. Këshilli i naltpërmendun e mori ketë vendim mbas nji studimit të imët qi i bani raportit të parashtruëm prej Kryetarit të Komunitetit, Z. Dr. Behxhet Shapatit. Tani për né nuk mbetet nevojë të çfaqim mejtim e të diftojmë a âsht me vend apo jo vendimi i marrun, tue qenë se ky vendim mbështetet në raportin justifikuës të Kryetarit të Komunitetit, i cili për t’ u argumentue, mbassi ka bisedue edhe me katër Kryemyftinjt, e ka shoqnue propozimin o vet edhe me kët fetfa: “Burri i huaj. Zejdi, sikur t'ë shofi fytyrën e gruës së huaj, Hindis, a âsht haram! — përgjigje: Nuk âsht haram!”

Arkivat e zonave të tjera