Mehmet Daiu

by Sami Domni

Të dhëna

Jetëshkrimi
Lindi në Elbasan në vitin 1913. Shkollën fillore dhe Normalen i mbaroi në vendlindje. Studimet e larta i përfundoi në Universitetin e Gjenevës "Zhan Zhak Ruso", me rezultate shumë të mira. Iu afrua emërim si profesor në këtë universitet,  por ai nuk e pranon dhe kthehet në Shqipëri, me dëshirën për të dhënë kontributin e tij në zhvillimin e vendit.
Karrierën për mësues e pedagog e filloi në Shkollën Normale dhe Ushtrimore të Elbasanit, ndërsa më pas emërohet inspektor i arsimit në Prefekturën e Korçës dhe mësues në gjimnazet e njohura të Tiranës, Shkodrës. Si atdhetar e nacionalist, dënohet nga diktatura komuniste për një periudhë të gjatë kohe me një akt akuze të sajuar, në kohën që ishte mësues në Shkodër.
-------------------
Akuza :

Si kunder rezullton edhe nga aktet që bashkangjitur ju paraqiten, rezullton se  të pandehurit  : 1). Paolin Pali, Kol Prela,  Kel Çoba, Dhionis Micaco, Shuquri Shpuza, Mehmet Daiu, Abdul Rusi, qe te gjithe banues ne Shkoder akuzohen se: 

Duke qenë armiq te dekllaruare te PoPullit, jane vene te oganizohen ne lufte kundra Republikes Ponullore ne vendin t’one.

Qysh ne fillim mbas shlirimit lidhen me te gjithe elementat  dhe organizatat kalndestine kundreshtare ne vendin t’one,me te cilat kordinojne veprimtarin e tyre sabotatore, terroriste  per kunder Pushtetit Demokratik.

Bien ne lidhje me shoqaten fashiste Demokristjane te krijuare ne gjirin e Klerit Katolik, dhe me ate bashkeveprojne  per  zgjerimin dhe  forcimin e aktivitetit kundreshtar. .....

Prokurori bëri pretencen ne shkrim dhe perfundimisht  kërkoje qe te denuarit te cilesohen fajtore ne baze te nenit  273  pikave  1,2,7,8 dhe 14 te ligjit  N° 372, dhe ne baze te nenit 4 po të kësaj ligje, kërkoj denimin e  të pandehurve Paulin Palit, Kol Prelës dhe ,  Kel Çobës, me vdekje, Dhionis Micacon, Shuquri Shpuzën, Mehmet Daiun, Abdul Rusin me nga 20 vjet privim  lirije e punë te detyruar.

------------------

Një pjesë të dënimit e kalon në kënetën e Maliqit në kushte shumë të rënda.
Pas kryerjes së dënimit, shërben si mësues në zonën e Shmilit dhe më pas në Durrës.
 
Si njohës i mirë i disa gjuhëve të huaja, ka dhënë ndihmesën e tij në sistemimin e fondit albanologjik – ballkanologjik të bibliotekës publike “Qemal Baholli” të Elbasanit, si edhe në Qendrën e përkthimeve tekniko-shkencore të qytetit të Durrësit. Në rrethet intelektuale të Durrësit ruhet në kujtesë si mësues i talentuar i gjermanishtes, frëngjishtes, anglishtes dhe italishtes. Si intelektual me erudicion, i pasionuar pas pedagogjisë perëndimore, botoi në revistat e kohës, si: “Shkolla shqiptare”, “Shkolla Kombëtare”, mbas vitit 1930 botoi studimet: “Eksperimenti në psikologji”, “Ç’është personaliteti”, “Për metodikën e matematikës”, “Format e zhvillimit të dijes”; si dhe disa përkthime nga fusha e psikologjisë: “Besimet dhe halucinacionet”, “Jeta shpirtërore e pavetëdijshme”.  
Emri
Mehmet
Mbiemri
Daiu
Data e lindjes
1913
Data e vdekjes
1993
Autori
Sami Domni
Kontribuesi
Z. Sami Domni
Lidhje me materiale të tjera
Çertifikatë e Pedagogjisë lëshuar Mehmet Daiut nga Universiteti i Gjenevës
Referencat

Sami Domni, “Mirënjohje për mësuesit e nderuar të qytetit tim”, Arkiva Digjitale Shqiptare, aksesuar më 22 shkurt 2022, https://adsh.al/s/adsh/item/9612

Grupet e materialeve

Portrete nga Elbasani
Portrete

Sami Domni, “Mehmet Daiu”, Elbasani, accessed 9 dhjetor 2023, https://adsh.al/s/elbasani/item/25487

Komentoni

Asnjë koment ende! Bëhu i pari që komenton!

Jam dakord me kushtet e përdorimit dhe pranoj të ofroj kontributin tim nën liçensën CC BY-SA.

Arkivat e zonave të tjera