1908, Manastir, Ali Agjah bej Biçakçiu (1870 - 1918), atdhetar, bamirës që dhuroi gjithë pasurinë për arsimin elbasanas. · Arkiva Digjitale Shqiptare

Data: 1908
Kontribuesi: Z. Veli Stafa
Origjina: Arkivi i Z. Veli Stafa
Zona: Elbasan
Përmbajtja: Ali Agjah bej Biçakçiu (1870-1918). Atdhetar dhe bamirës që la me testament gjithë pasurinë e tij, rreth 10.000 napolona flori, në të mirë të arsimit në Elbasan. Në shtepinë e tij në 1912 u bë mbledhja e bërthamës së kryengritësve elbasanas. Kryesoi komitetin e Elbasanit prej pesë anetarësh në mbledhjen e Fierit të udhëhequr nga Ismail Qemali. Në 1914 burgoset nga forcat e Haxhi Qamilit. Në 1915 internohet nga Esat Pashë Toptaninë Itali , ku dhe sëmuhet rëndë. Në Romë harton testamentin me pesë dëshmitarë shqiptarë : Mustafa Kruja, Kostandin Kote, Tefik Mborja, Kostandin Cipo, Lef Nosi. Pastaj propozoi që komisioni i testamentit të tij të përbehej nga bashkëqytetarët e tij : Aqif Pashë Elbasani, Lef Nosi, Hysen Dakli, Taq Buda, Halim Bej Elbasani dhe Emin Haxhiademi. Vdiq në Vlorë me 30.12.1918. Me përpjekjet e komisionit u arrit që të ndërtohej ndërtimi i një shkolle femërore në sheshin e Namazgjasë që mori emrin e dhuruesit.

(Burimi informacionit: Elbasani Enciklopedi, fq. 6. Autor: Iljas Gogaj)

< >

Arkiva Digjitale Shqiptare