Trompa që ka përdorur muzikanti dhe dirigjenti Hamit Kusi

Përshkrimi: Trompa që ka përdorur muzikanti, trompisti dhe dirigjenti Hamit Kusi është edhe sot e kësaj dite një relikë në ambjentet e Teatrit “Skampa” të Elbasanit.
Ekzistenca e saj dhe historiku i saj flasin shumë për punën që ka bërë përdoruesi i saj një jetë të tërë, sipas kujtimeve të të birit Abdyl Kusi, edhe ky trompist pas të atit.
Trompa në fjalë mendohet se mund të jetë më shumë se 100 vjeçare, sa mund të thuhet se ajo ka qenë bashkëshoqëruese e Bandës “Afërdita”. Trompa është prodhim i njërës prej kompanive më në zë amerikane të prodhimit të veglave muzikore frymore dhe mban stampën e saj “Buescher, USA, Aristocrat Made for I.M. Grassi the Selem Company”.
Cilësia e trompës ka qenë në sinkron me aftësitë e trompistit Hamit Kusi që e ka përdorur atë deri në fund të jetës së tij.
Sipas të thënave të të birit dhe qytetarëve që e kanë njohur Hamit Kusin në të gjitha vendet ku ka shkuar Ansambli i Ushtrisë që nga Kina, Vietnami, Kamboxhia, Koreja apo Bahskimi Sovjetik etj. ku vajti Hamit Kusi, atij mudn t’i kenë dhuruar edhe vegla të tjera muzikore, dhe njëra prej tyre nuk dihet se ku ka përfunduar.
.
Data: 2017
Kontribuesi: Z. Abdyl Kusi
Origjina: Arkivi i Z. Abdyl Kusi
Zona: Elbasan
Subject: Banda Afërdita

< >

Arkiva Digjitale Shqiptare