Haxhi Ali Lazareni

2017

by Hymqet Zane

Të dhëna

Emri
Haxhi Ali
Mbiemri
Lazareni
Data e lindjes
1909
Data e vdekjes
1989
Autori
Hymqet Zane
Kontribuesi
Z. Ali Lazareni
Jetëshkrimi

Haxhi Ali Lazareni ka lindur në Elbasan në vitin 1910. Prindërit e tij (Aliu dhe Fatimeja) u ndanë nga jeta në moshë shumë të re, për shkak të prekjes nga epidemia e kolerës në përfundim të Luftës së I-rë Botërore, duke lënë të vetëm djalin e tyre të mitur. Ai u rrit tek të afërmit e tij, në lagjen “Fusha e Loparit”.
Në fund të viteve `20 punoi si kujdestar i administrimit të pasurisë së Shefqet Bej Vërlacit, për një kohë relativisht të gjatë. Më pas ka punuar në një lokal privat bar-kafe në lagjen ”Dylgjer Hysen” dhe në vitet e tjera në Ndërmarrjen Shtetërore të Grumbullimit, dhe Ndërmarrjen Pyjore Elbasan.
Në vitin 1933 është martuar me Banu Bedallin, familja e së cilës ishte shumë e njohur dhe e madhe në Peqin. U vendosën për banim në lagjen ”Dylgjer Hysen” dhe aty ndejtën deri në fund të jetës.
Prindërit sollën në jetë dhe rritën e edukuan nëntë fëmijë, pesë vajza e katër djem (Nashiferi (Peti), Dylaveri, Bukuroshja (Dollani), Aliu, Evelina, Xhaferri, Agimi, Engjëllushja (Grykshi) dhe Fatimeja (Peqini). Të gjithë krijuan familjet e tyre në qytetin e Elbasanit, me përjashtim të njerit prej djemëve, Agimit, i cili në vitin 1977, në moshën 30 vjeçare, humbi jetën në aksidentin automobilistik të Gjinarit, ku ishte emëruar si drejtor i shkollës së Zavalinës. 
Fëmijët e tjerë u shkolluan dhe u punësuan në profesione të ndryshme në Elbasan.
Haxhi Ali Lazareni u nda nga jeta në vitin 1989, në moshën 79 vjeçare.

Data
2017
Formati
JPG

Renditja: 2012 (4 shikime)

Hymqet Zane, “Haxhi Ali Lazareni”, 2017, Arkiva Digjitale Shqiptare, accessed 1 tetor 2022, https://adsh.al/s/adsh/item/23209

Komentoni

Asnjë koment ende! Bëhu i pari që komenton!

Jam dakord me kushtet e përdorimit dhe pranoj të ofroj kontributin tim nën liçensën CC BY-SA.