Namazgja, Elbasan, Fitër Bajrami, ose siç njihet tek ne Bajrami i Madh. (Foto e padatuar)

Invalid data for media #23591.
Përshkrimi
Festa e Fitër Bajramit

Muslimanët në mbarë botën festojnë festën tre-ditore të Fitër Bajramit, ose siç njihet tek ne, Bajramin e Madh.. Në varësi të shikimit të hënës, Fitër Bajrami do të fillojë të dielën më 25 qershor, si tek ne, ose të hënën më 26 qershor, në ndonjë vend tjetër mysliman.

Çfarë është Fitër Bajrami?
Fitër Bajram do të thotë "Festa e thyerjes së agjërimit" dhe shënon fundin e muajit të agjërimit, që është Ramazani. Pra ajo është kremtim i përfundimit të një muaji adhurimi. Baza e saj është në Kuran, ku thuhet: “Ai dëshiron që të plotësoni numrin e ditëve të agjërimit dhe që ta madhëroni Allahun (në fund të agjërimit), për shkak se ju ka drejtuar në rrugë të drejtë e që ta falënderoni Atë.” (Kuran, 2: 185). Pra, kjo festë kremtohet në shenjë falënderimi për Zotin, që u mundësoi besimtarëve të afrohen më shumë me Të, nëpërmjet agjërimit.
Nga ana tjetër, Kurban Bajrami, ose siç njihet tek ne “Bajrami i vogël”, njihet si festa e sakrificës, sepse ka në qendër flijimin e një kurbani nga dhentë ose gjedhët, në shenjë përkujtimi të sakrificës që kryen për hir të Zotit profetët Ibrahim dhe Ismail.

Kremtimi i Bajramit:
Festa e Fitër Bajramit zgjat tre ditë, në varësi të traditave që ka secili vend. Në mëngjesin e ditës së parë muslimanët mblidhen nëpër sheshet e namazgjave ose nëpër xhami, për të falur namazin e Bajramit dhe për të dëgjuar predikimin e rastit.
Pas faljes, njerëzit fillojnë urimin e njëri-tjetrit, me shprehje të tilla si: Gëzuar Bajramin! Ose: Me fat Bajramin. Njerëzit pastaj vizitojnë të afërmit, miqtë dhe ndonjëherë varreza për t'u lutur për të vdekurit e tyre. Megjithatë, shumica e tyre i përdorin tre ditët e Bajramit për vizita.
Nga traditat e kësaj feste janë dhuratat dhe rrobat e reja që u blihen fëmijëve për të festuar. Në vendin tonë është zakon edhe shtrimi i drekës së Bajramit. Karakteristike e kësaj dreke është ëmbëlsira e bakllavasë. Në disa vende, Bajrami njihet si “festa e ëmbël”, për shumëllojshmërinë e ëmbëlsirave që servilen. Një shenjë e rëndësishme e Bajramit janë rrobat. Në disa vende myslimane, njerëzit veshin rroba tradicionale këtë ditë, ndërsa në vende të tjera e kanë zakon të veshin rroba të reja.

Solidariteti
Zakonisht festa e Fitër Bajramit paraprihet nga një fushatë bamirësie, ku besimtarët shpërndajnë ndihma ushqimore dhe monetare për nevojtarët, gjatë dy ditëve të fundit të Ramazanit. Qëllimi është përhapja e atmosferës dhe e mundësive të festimit tek të gjithë anëtarët e shoqërisë, si dhe përmbyllja e muajit me vepra bamirësie, të cilat do të plotësojnë mangësitë që besimtarët mund të kenë pasur gjatë Ramazanit.
Kontribuesi
Z. Alban Kodra
Item sets
Fotografi

Etiketa të reja

 Jam dakord me kushtet e përdorimit dhe pranoj ta çliroj kontributin tim nën liçensën CC BY-SA. 

Part of Namazgja, Elbasan, Fitër Bajrami, ose siç njihet tek ne Bajrami i Madh. (Foto e padatuar)

Renditja: 1138 (79 shikime)

“Namazgja, Elbasan, Fitër Bajrami, ose siç njihet tek ne Bajrami i Madh. (Foto e padatuar)”, Arkiva Digjitale Shqiptare, accessed 26 maj 2026, https://adsh.al/s/adsh/item/23590

Komentoni

No comment yet! Be the first to add one!

Jam dakord me kushtet e përdorimit dhe pranoj të ofroj kontributin tim nën liçensën CC BY-SA.