Kostandin Mihal Rama, agronomi i parë me shkollë perëndimore në Elbasan, 1970
Invalid data for media #23716.
- Përshkrimi
-
Në jetën shoqërore të Shqipërisë së gjysmës së parë të shekullit XX, gjeneronin profesione dhe zeje të ndryshme, por edhe specializime për sektorë të rëndësishëm për një vend bujqësor tipik. Ka pasur shumë e shumë qytetarë elbasanas dhe më tej nga qytete të tjera shqitpare që studiuan për agronomi apo specialitete të tjera të sektorit bujqësor. Është i njohur fakti që në Shqipëri ishin hapur edhe dy shkolla teknike amerikane si ajo e Fullcit në Trianë dhe ajo në Golem për agronomi e të tjera.
Një prej atyre nxënësve që studiuan në këto shkolla është edhe Kostandin Mihal Rama, lindi në Shkodër më 15 maj 1917, si pjesëtar i një familjeje nëpunësi të mesëm. Mihali, babai i tij, ka punuar nëpunës financier në kohën e Mbretërisë së Ahmet Zogut.
Si djalë nëpunësi të administratës së Mbretërisë, i ati e shkollon Kostandinin në vitet 1931 - 1934 për të mbaruar gjimnazin në Tiranë dhe në vitet 1936 - 1939 mbaron studimet në shkollën e mesme teknike, bujqësore në Firence të Italisë, specializuar për frutikulturë, në veçanti për kulturën e ullirit, aq i nevojshëm për një vend që e ka në traditën e vet këtë pemë.
Ajo që bie në sy në jetën e agronomit K. Rama është fakti se fillimet e veta të punësimit i ka në Qarkun e Elbasanit, sepse në vitin 1939, sapo erdhi nga studimet, u emërua në punë si agronom (specialist i ullirit) në qytetet Elbasan dhe Peqin, deri në prill të vitit 1940, ngaqë më pas deri në vitin 1946 ka bërë punë private. Por si specialist i lartë dhe në një sepcialitet të rëndësishëm, në shtator 1946 emërohet në punë si agronom në N.B.Sh. “Ylli i Kuq”, në Kamëz të Tiranës, ku ka punuar deri në tetor të vitit 1952, më pas transferohet në Mifol të Vlorës. Dhe nga tetori i vitit 1952 e deri në janar 1956 punon si agronom për shtimin e prodhimit të fidanëve të ullirit, për Shqipërinë e Jugut, në N.B.Sh. Mifol Vlorë.
Ajo që është e rëndësishme në jetën e Kostandin Rama është fakti se nga janari i vitit 1956 transferohet në Elbasan, në sektorin bujqësor “Syrja Dylgjeri” pranë N.B.Sh. Elbasan, ku punoi si agronom e përgjegjës sektori deri kur doli në pension në vitin 1979.
Jo vetëm zyrtarisht, por edhe nga shoqëria qytetare elbasnase Kostandin Rama është vlerësuar për nivelin e lartë të përgatitjes dhe të frutdhënies në punë. Në vitin 1958 i jepet medalja e punës “Për rendimente të larta”. Më pas në vitin 1964 i jepet urdhëri i punës kl.lll “Për rritjen e prodhimit të fidanëve të ullirit”. Kurse në vitin 1970 i jepet çmimi i Republikës shk.lll “Për punë shumëvjeçare e të dobishme për ekonominë popullore në zgjidhjen e problemeve të prodhimit në masë të fidanëve e zhvillimit të kulturës së ullirit”.
Por ajo që është e rëndësishme për të spikatur në jetën e tij është fakti që me profesionin dhe me aftësitë që kishte ai krijoi një opinion të nderuar në Elbasan duke u mbajtur mend si një ndër të parët specialistë të lartë në fushën e agronomisë që u spikat për punën plot pasion dhe përkushtim në një drejtim të rëndësishëm të bujqësisë siç është pema e ullirit si një pemë e shenjtë dhe e vlerësuar në Elbasan.
Kostandini, si bashkëshort krijoi familje me zonjën Amalia Rama (Tutra) dhe pati 4 fëmijë – Aleksandri (ing. pyjesh), Beatriçe (Papajani – merceloge), Nikolla (mësues gjuhë letërsi) dhe Rodolfi (elektricist). Ndërroi jetë në Elbasan më 5 shkurt 1989.
Përgatitur nga Hyqmet Zane. - Data
- 1970
- Kontribuesi
- Z. Aleksandër Rama
- Item sets
- Fotografi
Etiketa të reja
Part of Kostandin Mihal Rama, agronomi i parë me shkollë perëndimore në Elbasan, 1970
Renditja: 610 (112 shikime)
“Kostandin Mihal Rama, agronomi i parë me shkollë perëndimore në Elbasan, 1970”, 1970, Arkiva Digjitale Shqiptare, accessed 8 prill 2026, https://adsh.al/s/adsh/item/23715
Komentoni
No comment yet! Be the first to add one!