Veshje popullore qytetare elbasanase për gra, 1940

Përshkrimi: Në këtë foto shumë të bukur me kostum popullor të grave qytetare elbasanase, ka dalë Mirka Paparisto Papajani. Ajo lindi më 25 Mars 1920 në Elbasan dhe ishte e bija e Fot & Evanthi Papajanit. Pasi kreu shkollën e mesme Pedagogjike "Nana Mretneshë", shkon në Torino dhe ndjek një kolegj ku studion për ekonomi shtëpiake, shkollë vajzash e cila drejtohej nga murgeshat.
Pas çlirimit ka punuar si mësuese e fillores në shkollën e "Kuqe" në Tiranë prej 20 vjetesh. Një mësuese e dalluar dhe me shumë reputacion.
Mirka Paparisto Papajani ka qenë e martuar me elbasanasin Sofokli Paparisto, pedagog i violinës në Universitetin e Arteve, si dhe anëtar i mëhershëm i bandës muzikore “Afërdita” të Elbasanit.
Ajo ndërroi jetë në moshën 75- vjeçare në Tiranë më 15 Janar 1995 e rrethuar plot dashuri nga fëmijët, nipërit e mbesa. Foton e mësipërme e ka realizuar babai i saj Fot Papajani i cili ishte ndër pionierët e parë të fotografisë në Elbasan.
Data: 1940
Autori/Krijuesi: Foti Papajani
Kontribuesi: Zj. Genciana Paparisto
Subject: Traditë, veshje popullore

< >

Arkiva Digjitale Shqiptare