Nikolla Rama - krijime · Arkiva Digjitale Shqiptare

Përshkrimi

Nikolla kishte prirje për artin e pikturës qysh herët, sidomos atë italian. Pas viteve’90, pati nji pjesëmarrje aktive artistike në ekspozita të ndryshme në vend. Pra Niko e kishte indicien, si nga prindërit që kishin studiuar në Itali, por edhe vetë kishte rënë në kontakt me kulturën italiane edhe pse ishte e ndaluar. Filloi b/punimin me disa murgesha italiane. Punët e bëra në kuadër të “Via Crucis”, u pëlqyen. Bëri dhe nji ekspozitë në Pianoro, pati sukses. Kjo ishte përvoja e parë dhe ajo që e intrigoi për të shkuar në Pianella, Itali në vitin 1999, ku vazhdon edhe sot. Niku thotë se :” Frymëzimi për një artist është gjëja më e rëndësishme pa të cilën nuk mund të bëhet një vepër arti. Mund të themi se vjen nga emocioni i ngjallur nga një peizazh, një skenë apo një fytyrë, të cilat më pas bëhen objekt i punës suaj”. Pastaj ai tregon, se :” Drita, ngjyrat e peizazhit dhe njerëzit në Abruzzo shpesh më kujtojnë skenat nga vendi im. Në fund të fundit, nuk ka shumë dallime. Peizazhi i Abruzzos ka ngjyra dhe karakteristika të ngjajshme me peizazhet e tokës sime të lindjes”. Është impresionist, por për detaje i duhet të shkoj drejt nji stili më realist. I pëlqen Monet, por i dashuruar pas Picasso-s. Në çdo punim të tij, në pikturë apo skulpturë, shikon dhe ndjen personalitetin e tij. Gjithësesi nuk mund të marr barrën e nji kritiku arti, por pikturat e Nikut që do të shikoni janë tepër intriguese, të bajnë të meditosh dhe të japin shumë emocion.
Shënime nga Fatos Bajraktari.

Data

13 gusht 2020

Autori/Krijuesi

Nikolla Rama

Kontribuesi

Z. Nikolla Rama

Formati

Piktura

Subject

Pikturë

Arkiva Digjitale Shqiptare

Nikolla Rama - krijime

Etiketa të reja

Komentoni