Shefqet Daiu (1882 - 1946) - Delegat i Elbasanit në Shpalljen e Pavarësisë në Vlorë · Arkiva Digjitale Shqiptare

Data: 2020
Autori/Krijuesi: ADE
Kontribuesi: Z. Kujtim Bevapi
Përmbajtja: Shefqet Daiu lindi në Elbasan, në vitin 1882. Mësimet e para i mori në vendlindje, në shkollën Idadije. Më vonë ndjek studimet në Stamboll, qytet në të cilin u diplomua për drejtësi në vitin 1905.
Menjëherë pas përfundimit të studimeve punon si prefekt dhe nënprefekt në Skrapar e Pogradec.
Në vitet 1911 - 1912 punon si mësues i gjuhës shqipe në Dibër.
Në vitin 1912 zgjidhet delegat i Elbasanit në Kuvendin Kombëtar të Vlorës, në të cilin zgjidhet sekretar i dytë, pas Luigj Gurakuqit.
Në vitet 1914 - 1920 punon si avokat në Elbasan, ku spikat vlerat e vërteta të një intelektuali. Ndërkohë shkruan e boton poezi dhe artikuj në shtypin e kohës.
Në vitin 1919 boton një abetare shqipe. Pas viteve '20 si deputet ka përfaqësuar grupimin e forcave politike të kohës nga qyteti i Elbasanit. Si njohës i turqishtes dhe italishtes, tenton të përkthejë në shqip vëllimin " Ç'është Kurani", në vitin 1938.
Në vitin 1945 dënohet nga diktatura komuniste dhe në vitin 1946, në moshën 64 vjeçare në këtë trysni të egër ndahet nga jeta, pa realizuar aspirata e ëndrrat e tij demokratike.
Subject: Elbasan, Portrete, Shefqet Daiu
Publisher: ADE

Shefqet Daiu (1882-1946)

< >

Arkiva Digjitale Shqiptare