Nxënës të dalluar të shkollave Shqiptare, dalë në Itali

Përshkrimi: Në kohën e Mbretërisë, vitet '30, me nxënësit më të dalluar nga shkollat e mesme në Shqipëri, organizohej një udhëtim në Itali, ku vizitoheshin qytetet dhe vendet më interesante. Nga çdo shkollë zgjidheshin 10 nxënës. Kjo foto është realizuar në një prej këtyre udhëtimeve.
Në qendër të fotos, ulur, është nxënësi i dikurshëm i Normales së Elbasanit Tare Kalo, i cili disa vite më pas do të rikthehej në Itali si student në Universitetin e Firences. Fatkeqësisht Tare Kalo nuk mundi t'i vëjë në shërbim të atdheut dijet e tij. Në vitin 1943, kur ishte vetëm 26 vjeç ai do të vritej pas një luftimi disa orësh me partizanët, të cilët i vranë më parë edhe të atin. Tarja u rrethua në shtëpinë e tij, së cilës i kishin vënë zjarrin dhe nuk u dorëzua, por luftoi mes flakësh deri sa u vra.
Në epitafin mbi varrin e tij u shkrua:
Lule ishe lule shkove
Djalë i rrallë, si shqiptarë
Tare jetën ia kushtove
Idealit kombëtar.
Kontribuesi: Muzeu Kokalari
Formati: .jpg

< >

Arkiva Digjitale Shqiptare